featured photo: Darpanpost

बुटवल । अभिनेता सौगात मल्ल र अभिनेत्री बेनिशा हमाल फिल्म ‘सिटामोल’ चलचित्रको छायाकन सुरु भएको छ । यी दुवैजना फिल्ममा गाउँले गेटअपमा देखिने भएका हुन । यस चलचित्रमा सौगात मल्ल र बेनिसा हमालको साथमा अर्का नव-नायक समीप निरौलाले यो फिल्म मार्फत डेब्यु गर्दैछन् । अन्य कलाकार सुशील पोखरेल, हिउँवाला गौतम, लोकेन्द्र लेखक, दिनेश रेग्मी, जानुका कोइराला, काजल भुजेल, ज्ञानु सेन्चुरी,भुगोल कार्की र बाल कलाकारमा आराध्या डिसी र करण नेपाली रहेको छन् भने यस चलचित्रलाई राजबहादुर सानेले निर्देशन गरेका छन्।

सशस्त्र द्वन्द्वको पृष्ठभूमिमा निर्माण भैरहेको फिल्म नयाँ वर्षको तीजमा रिलिज गर्ने निर्माण टिमको योजना छ । दिव्य सुवेदीले छायाँकन गरिरहेको फिल्मका निर्माता भुगोल कुमार कार्की हुन् ।

फिल्मको सिन्धुलीको खुर्कोट क्षेत्रमा छायाँकन भैरहेको छ । फिल्मको सेटबाट सौगात र बेनिशाको एक तस्बिर बाहिर आएको छ जसमा नवनायक समीप निरौला पनि देखापरेका छन् । शिरमा ढाकाटोपी र स्टकोट लगाएका सौगातले एउटा हातमा कुखुराको भाले बोकेका छन् भने अर्को हातले बैसाखी टेकेका छन् त्यस्तै बेनिसाले काखमा बच्चा च्यापेकी छिन् भनी अर्का नायक समीप हसिलो मुहारमा देखापरेका छन्।