काठमाडौँ । नेपालको अग्रणी इन्टरनेट सेवा प्रदायक कम्पनी वर्ल्डलिंक कम्युनिकेसन लिमिटेडले दशैं र तिहारको अवसरमा आफ्ना ग्राहकहरूलाई लक्षित गर्दै विशेष अफर सार्वजनिक गरेको छ।
यस अफर अन्तर्गत ग्राहकहरूले इलेक्ट्रिक कार Deepal S05, विदेश भ्रमण, र Samsung होम अप्लायन्समा ४० प्रतिशतसम्म छुट जस्ता आकर्षक पुरस्कार प्राप्त गर्ने अवसर पाउनेछन्।
ग्राहकहरूले वर्ल्डलिंकको यो अफरमा सहभागी हुनको लागि आफ्नो इन्टरनेट बिल Khalti एप वा WorldLink काउन्टर मार्फत तिर्नुपर्नेछ। अन्य माध्यमबाट गरिएको भुक्तानीमा यो अफर लागू नहुने वर्ल्डलिंकले स्पष्ट पारेको छ।
अफर अवधिभर बिल भुक्तानी गर्ने ग्राहकहरू बम्पर ड्रमा सहभागी हुनेछन्। यस ड्रबाट चयन हुने एक भाग्यशाली विजेताले वातावरणमैत्री, अत्याधुनिक प्रविधियुक्त इलेक्ट्रिक कार Deepal S05 हात पार्नेछन्।
यसका अतिरिक्त, प्रत्येक हप्ता १२ भाग्यशाली जोडीलाई थाइल्यान्ड, मलेसिया, भियतनाम, सिंगापुर, र दुबई भ्रमण गर्ने अवसर प्रदान गरिनेछ। सबै भ्रमण प्याकेज वर्ल्डलिंकको तर्फबाट पूर्णरूपमा खर्च व्यहोर्ने गरिनेछ।
ग्राहकहरूले वर्ल्डलिंकको अफरअन्तर्गत Samsung ब्रान्डका होम अप्लायन्सहरूमा ४० प्रतिशतसम्म छुट पनि प्राप्त गर्न सक्नेछन्। यसअन्तर्गत टिभी, फ्रिज, वाशिङ मेसिन लगायतका सामग्रीहरूमा छुट लागू हुनेछ।
वर्ल्डलिंकले यस अफरमार्फत आफ्ना लाखौं ग्राहकहरूप्रति आभार प्रकट गर्दै चाडपर्वको उल्लासमा थप उत्साह ल्याउने प्रयास गरेको बताएको छ। कम्पनीले देशभरका ग्राहकहरूलाई डिजिटल सेवासँगै यस्ता रिवार्ड योजना प्रदान गर्दै आएको छ।
अफर सीमित अवधिका लागि मात्र लागु हुनेछ। भाग लिन इच्छुक ग्राहकहरूले चाँडै आफ्नो बिल Khalti वा काउन्टरबाट तिर्नुपर्नेछ।
ग्राहकहरूले थप जानकारीका लागि वर्ल्डलिंकको वेबसाइट www.worldlink.com.np वा नजिकको शाखामा सम्पर्क गर्न सक्नेछन्।
