featured photo: Darpanpost

लुम्बिनी । दलितका लागि दलित अभियानले चलाएको “दलितलाई खै” आन्दोलनलाई बुद्ध अम्बेडकर जागरण मञ्च, नेपालले एक्यबद्धता जनाएको छ । मञ्च अध्यक्ष हरिओम बिकले विज्ञप्ती जारी गरेर अधिकारकर्मी खगेन्द्र सुनारको नेतृत्वमा काठमाडौँको माइतिघर मण्डलामा १२ दिन देखि चलिरहेको आन्दालनप्रति एक्यबद्धता रहेको जनाएका हुन । नेपालको संविधान २०७२ ले प्रत्याभूत गरेको समानुपातिक समावेशी सिद्धान्त अनुसार राज्यका हरेक तह र निकायमा दलितहरुले पाउनुपर्ने हिस्सेदारी नपाएको मञ्चको ठहर छ । सत्तामा रहेका राजनैतिक दलहरुले दलित समुदायलाई संविधान प्रद्धत्त अधिकारबाट समेत बञ्चित गराएको मञ्चको आरोप छ ।

देशका शासकहरु ति चाहे जुनसुकै “वाद” को लेवल लगाएका होउन् यथार्थमा तिनीहरुको सोंच, चिन्तन एकल जातीय, ब्राह्मणवादी मनुवादी नै भएका कारण मुखले जतिसुकै क्रान्तिकारी कुरा गरेपनि, संविधानमा जेसुकै लेखिएको भएतापनि वास्तविक व्यवहारमा दलित समुदायलाई अझैपनि “अछुत” कै रुपमा व्यवहार गरिरहेका छन । चाहे त्यो राजनीतिक, सामाजिक, आर्थिक या धार्मिक जुनसुकै क्षेत्रमा होस, त्यसैले यो मनुवादी चिन्तनलाई भत्काउन देशका सम्पूर्ण दलितहरु एकजुट भइ राजनीतिक, आर्थिक, सामाजिक, धार्मिक सांस्कृतिक क्षेत्रबाट एकसाथ आन्दोलनको आँधिबेरी उठाउन जरुरी छ, त्यसो नगर्दासम्म दलित समुदायले मनुवादीहरु संग मागेर अधिकार पाउनेवाला छैनन् । विज्ञप्तीमा भनिएको छ ।