featured photo: Darpanpost

टंक सुनार

बैशाख ३० । नवलपरासीको सुनवलमा एम्बुलेन्स दुर्घटना हुँदा ५ जना घाइते भएका छन । आइतबार सुनवल–४ तुरीयामा उक्त दुर्घटना भएको हो । बिरामी लिएर बुटवल तर्फ आउँदै गरेको बा ७ च ५१९१ नम्बरको एम्बुलेन्स अनियन्त्रित भई लु २ त ६८३९ नम्बरको ट्याक्टरमा ठोक्किदा दुर्घटना भएको प्रहरीले जानकारी दिएको छ ।

घाइते पाचैँ जना एम्बुलेन्समा सवार यात्रु रहेको र उनिहरुको उपचार भइरहेको प्रहरीले बताएको छ । घाइते हुनेहरुमा एम्बुलेन्स चालक नवलपरासीको बर्दघाट नगरपालिका वडा नम्बर ४ का ३० बर्षिय सुरेश लामिछाने, सोही स्थानकी ५३ बर्षिय राधिका बस्याल, ३६ बर्षिय माया सापकोटा, ४२ बर्षिय राम प्रसाद पौडेल र ३८ बर्षिय दिब्या पोख्रेल रहेका छन । उनिहरु मध्ये दिब्या पोख्रेलको अवस्था गम्भीर रहेको उपचारमा संङ्लग्न डाक्टरहरुले जानकारी दिएका छन । ट्याक्टर चालक फरार रहेको र उनको खोजी कार्य जारी रहेको प्रहरीले बताएको छ । ट्याक्टर भने प्रहरीले नियन्त्रणमा लिएको छ ।