featured photo: Darpanpost

अमृत भट्टराई / २१ बुटवल , वैशाख ।  वैशाख २२ गते नेपाल कम्युनिस्ट पाटीले रुपन्देही सहित पुरै नेपाल बन्द आह्वान गरेको नेकपा लुम्बिनी ब्युरोले जानकारी दिएको छ । 

नेपाल कम्युनिष्ट पार्टीले वर्तमान सरकार र बामगठवन्धनले जनताको संघर्षबाट प्राप्त उपलब्धिहरु खोसेको, भ्रष्टाचारीलाई संरक्षण गरेको, देशको सिमा मिचिदा पनि चुप बसेको लगायतका आरोप लगाउँदै नेपाल बन्दको आह्वान गरेको जनाएको छ ।

पार्टीका महासचिव नेत्र विक्रम चन्द विप्लवद्धारा हस्ताक्षरित विज्ञप्तिमा भनिएको छ,“विचार राख्ने सभाजुलसु गर्ने अधिकारमाथि पनि प्रतिबन्ध लगाउँदै गएको छ भने भष्ट्राचारी, कालोबजारी र राष्ट्रघातीहरुलाई संरक्षण गरिरहेको छ” । बन्द कार्यक्रमलाई सफल बनाइदिन पार्टीले सबैलाई आग्रह गरेको छ ।

लुम्बिनी ब्युरोले दिएको जानकारी अनुसार वैशाख २१ गते साझ  देशका विभिन्न  मसाल जुलुस कार्यक्रममा र २२ गते नेपालका ७ प्रदेश बन्द गर्ने जनाएका छन् ।