featured photo: Darpanpost

१ बैशाख, २०७५, माधव अधिकारी,देवचुली ।।

वि.स. २०७४ सालमा हिन्दु धर्मको अस्तीत्वमा विभिन्न समुदायद्धारा आगाध पुग्ने कार्य भएकाले अबका दिनमा त्यस्ता कार्यको खुलेर विरोध गर्ने एक कार्यक्रममा बोल्ने वक्ताहरुले बताएका छन् । नया बर्षको अवसरमा देवचुली नगरपालिका ९ मा आज सम्पन्न गणेशको मूर्ति प्रतिस्थापन कार्यक्रममा बोल्ने वक्ताहरुले यस्तो बताएका हुन् । स्थानिय व्यक्तिहरुद्धारा गठन गरीएको ब्राह्मण क्षेत्री समाज सेवा केन्द्र समितिको पहलमा मन्दिर निर्माणको कार्य अगाडी बढेको हो ।

समितिका अध्यक्ष खगराज कंडेलको सभापतित्वमा सम्पन्न कार्यक्रममा देवचुली नगरपालिका वडा नं. ९ का अध्यक्ष मेख बहादुर सारु मगरको प्रमुख आतिथ्यता रहेको थियो । त्यसैगरि विशेष अतिथिमा वडा प्रतिनिधि राम प्रसाद पन्त, स्थानिय समाजसेवी बालानन्द अर्याल, कृष्ण बहादुर क्षेत्री, टिकाराम भुषाल लगायत समितिका पदाधिकारीहरु रहनुभएको थियो । कोषाध्यक्ष मिना अधिकारीको स्वागत मन्तव्य रहेको कार्यक्रममा उपाध्यक्ष लक्ष्मी बराल लगायत विशेष अतिथिहरुले आफ्नो मन्तव्य राख्दै हिन्दु धर्मको संरक्षणमा सबै मिलि लाग्नुपर्ने कुरामा जोड दिनुभएको थियो ।

कार्यक्रममा प्रमुख अतिथिको रुपमा रहनुभएका वडाध्यक्ष सारुले रिबन काटेर पुजा कार्यमा सहभागि भइ मन्दिर प्रतिस्थापन कार्यक्रमको उद्घाटन गर्नुभएको हो । कार्यक्रममा बौल्दै उहाँले सबै धर्मलाइ सम्मान गर्दै आफ्नो तर्फबाट हिन्दु धर्मको रक्षाका लागि सक्दो पहल गर्ने जानकारी गराउनुभयो । कार्यक्रममा विशेष अतिथि लगायत अन्य स्थानियले मन्दिर निर्माणका लागि निर्माण साम्रगी, सजावटका सामग्री, भजन सामग्री हस्तान्तरण सँगै अझै सहयोगको प्रतिबद्धता समेत जनाउनुभएको थियो । कार्यक्रमको सञ्चालन सचिव तुलसीराम अर्यालले गर्नुभएको थियो ।