featured photo: Darpanpost

टंक सुनार
चैत २४ । एमाले स्थाई कमिटी सदस्य तथा रुपन्देही क्षेत्र नम्बर एकका सांसद छबिलाल बिश्वकर्माले एक अर्कालाई सहयोग गर्दै अघि बढ्नु पर्ने बताउनु भएको छ । एक अर्कालाई सहयोग गरेर अघि वढेका खण्डमा मात्रै उद्देश्य प्राप्त गर्न सकिने उहाको भनाई थियो । शनिबार रुपन्देहीको देवदहमा देवदह व्यापार संघको तेस्रो साधारण सभा तथा दोस्रो अधिवेशन कार्यक्रमलाई सम्बोधन गर्दै नेता बिश्वकर्माले उद्योगी ब्यापारीको सुझाबलाई आत्मसाथ गर्दै सरका अघि वढ्ने बताउनु भयो ।

कम्युनिष्ट पार्टी नेतृत्वको वर्तमान सरकार जनतालाई अहित हुने कुनै काम नगर्ने संङ्कल्पका साथ अघि वढेको उल्लेख गर्दै उहाले जनताको अभिमत स्थीतरताको पक्षमा रहेको बताउनु भयो । राष्ट्रिय एकता र स्वाधिनतालाई मूल मन्त्र मानेर सरकार अघि वढ्ने उहाको भनाई थियो । नेता बिश्वकर्माले स्रोत साधनको तयारी गरेर मात्रै विकास नहुने भन्दै सर्वप्रथम तयारी र योजना आवश्यक हुने बताउनु भयो । तयारी र योजना भए पछि स्रोत साधन जुटाउन तर्फ लाग्नु पर्ने उहाको भनाई थियो । कार्यक्रममा बोल्दै विभिन्न ब्यापारी संगठनका अध्यक्षहरुले देशमा ब्यापारीक बातावरण बनाई दिन सरकार संग आग्रह गरेका थिए ।