चैत १८ ।
चितवन र नवलपुरमा रहेका सामुदायिक रेडियोहरुको संस्थागत हक हितका लागि र चितवन नवलपुर प्रसारक मञ्चको तदर्थ समिती चयन गरिएको छ । सामुदायिक रेडियोका समस्या सम्भावना ,वर्तमान अवस्था र भावी कार्यनिति तय गर्न रेडियो भरतपुरका अध्यक्ष नविन पौडेलको अध्यक्षतामा ५ सदस्यीय चितवन नवलपुर प्रसारक मञ्च तदर्थ समिती चयन गरिएको छ । जसको सह संयोजकमा सामुदायिक रेडियो माडीका अध्यक्ष सुर्य प्रसाद पाठक सदस्यहरुमा रेडियो अपर्णका अध्यक्ष वेद प्रसाद आचार्य,रेडियो मध्यविन्दुका कार्यकारी निर्देशक रमेश चन्द्र वस्ताकोटी र रेडियो शिवशक्तिका स्टेशन म्यानेजर रमेश पौडेल रहनुभएको छ । चितवन नवलपुर प्रसारक मञ्चमा चितवन र नवलपुरका ८ वटा सामुदायिक रेडियोहरु आवद्ध भएको रेडियो माडीका स्टेशन म्यानेजर सुवास लामिछानेले वताउनुभएको छ ।