featured photo: Darpanpost

अमृत भट्टराई / बुटवल चैत – १६ रुपन्देहीको बुटवलमा जारी मदन भण्डारी गोल्डकप शुक्रबार हावा हुरीको कारण खेल स्थगित भएको छ ।

अचानक दिउँसो २:३० बाट आएको हावा हुरी सहितको बर्षाका कारण  शुक्रबार हुने भनेको आयोजक मदन भण्डारी स्पोर्ट्स एकेडेमी र रुस्लान थ्रीस्टार क्लब बीचको खेल रोकिएको हो ।

म्याच कमिस्नग बिकास गुरुङले प्राकृति प्रकोपका कारण खेल रोकिएको बताए । आज रोकिएको खेल चैत १८ गते आइतबार दिउँसो खेलाइने उनलेे बताए ।खेल सुरु हुन अघि नै हावाहुरी आएपछि दर्शकहरू समेत निराश भएर फर्किएका थिए ।

शनिबार दिउँसो स्थानीय युवा खेलाडीसहित साबिक बिजेता सुनौलो संगम युवा क्लब र मनाङ्ग मस्याङ्गदी क्लबबीच खेल हुने बताएका छन् ।

हावाहुरीले गर्दा मुल मञ्च , अस्थाई प्याराफिट, टेन्टहरुसमेत च्यातिएर  लाखौं मुल्य बराबरको क्षतिपूर्ति भएको आयोजकले जनाएको छ ।