featured photo: Darpanpost

नवलपरासी, चैत १६–

नवलपरासीको कावासोतीमा निर्माणाधिन पुलबाट जनप्रतिनिधिकैं रोहबरमा सिमेण्ट अबैंधानिक तवरले लगिएपछि खैंला बैंला मच्चिएको छ ।

कावासोती नगरपालिका वडा नम्बर १ र देवचुली नगरपालिका वडा नम्बर ९ जोडने गरी निर्माणाधिन लोकाहाको भोटीखोला पुलको सिमेन्ट वडा नम्बर १ का वडा अध्यक्ष नारायण पन्तको संलग्नतामा अबैंधानिक तवरले लगिएको स्थानीयले आरोप लगाएका छन् ।

पुल निर्माणका लागि राखिएको ९० बोरा सिमेन्ट कावासोती नगरपालिका वडा नम्बर १ का वडा अध्यक्ष नारायण पन्तकोे संलग्नतामा पुल निर्माणमा खटिएका सुपरभाइजर गोपाल थापासहितका व्यक्तिले मिलेमतो गरी चोरी गरेको स्थानीयहरको आरोप छ । पुल निर्माण स्थलमा सामाग्रीको सुरक्षाका लागि बसेका व्यक्तिलाई स्टोरको चाबी खोल्न लगाई सिमेन्ट चोरी लगिएको हो ।

राति १२ बजेको समयमा वडा अध्यक्ष नारायण पन्तले स्टोरको चाबी खोल्न लगाएर ट्याक्टरमा लोड गरी सिमेन्ट लगेका थिए ।

भोटी खोला निर्माण व्यवस्थापन समितिका अध्यक्ष घनलाल भुषालका अनुसार अध्यक्ष पन्तले आफू राति पुल निर्माणस्थलमा पुगेको र सिमेन्ट निकालेको स्वीकार गरेका छन् ।

वडा अध्यक्ष सहितको टोलिले सिमेन्ट लगेकोे थाहा पाएपछि कावासोती १ र देवचुली ९ का स्थानीय उपभोक्तासहित सरोकारवालाहरुको भेला समेत बसेको थियो । भेलामा बोल्ने क्रममा स्थानीयले वडा अध्यक्षले नियतवश रुपमा योजना बनाएर सिमेन्ट बेचर भ्रष्टाचार गर्न खोजेको आरोप लगाएका थिए ।

सिमेन्ट वडा अध्यक्ष पन्तकै वडास्थित रिठ्ठेपानीमा निर्माण हुन लागेको बाटोमा प्रयोगका लागि लगिएको भुषालले बताएका छन् ।

यता भुषालले भने ९ सय २० को सिमेन्ट ८ सयमा पाए पछि आफुले ल्याएको बताएका छन् । वडा अध्यक्ष पन्तले भने आफू भुलवश सुपरभाइजरको विश्वासमा परि राति सिमेन्ट निकाल्नका लागि पुगेको बताउनु भएको छ ।

सुपरभाइजर गोपाल थापा भने अहिले फरार रहेका छन् । फरार रहेका थापालाई पक्राउ नगरे सम्म आफूप्रति न्याय नहुने अध्यक्ष पन्तले बताउनु भएको छ । उहाले अध्यक्ष नारायण पन्तले आफुले कुनैं गलत मनसायले सिमेन्ट नलगेको बताउनुभएको छ । यहाले सामाजिक कामको सिलसिलामा कहिलेकाही अपजस भोग्नु पर्ने भन्दैं आफ्नो कुनैं गलत नियत नभएको बताउनुभयो ।