featured photo: Darpanpost

२०७४ चैत्र १५, नवलपरासी ।

नेपाल पत्रकार महासघको ६३ औ स्थापना दिवसको अवसरमा शुक्रवार देशै भर विभिन्न कार्यक्रम गरि मनाइदै छ । नेपाल पत्रकार महासघले देशव्यापि रुपमा विभिन्न कार्यक्रम गरि आफ्नो स्थापना दिवस मनाउने निर्णय अनुसार नवलपरासी शाखाले वृद्धाश्रममा फलफुल वितरण गर्ने भएको छ । नेपाल पत्रकार महासघ नवलपरासी शाखाको आयोजनामा भोलि शुक्रवार कावासोती नगरपालिकाको पिठौलिमा रहेका दुइ वटा वृद्धाश्रममा रहेका वृद्धवृद्धाहरुलाइ फलफुल वितरण गरिने जिल्ला अध्यक्ष होमराज रानाभाटले जानकारी दिनु भयो । रचनात्मक कार्य गर्ने केन्द्रको आग्रह अनुसार गत वर्ष जस्तै यस वर्ष पनि वृद्धाश्रममा फलफुल वितरण गर्ने निर्णय गरिएको हो । शुक्रवार विहान ९ वजे वृद्धाश्रममा पुगेर फलफुल वितरण गर्ने कार्यक्रम तय गरिएको नेपाल पत्रकार महासघ नवलपरासीका सहसचिव विष्णु गौडेलले वताउनु भयो । जिल्लाका पत्रकार महासघका सदस्य तथा सञ्चारकर्मिहरुको उपस्थितिमा फलफुल वितरण गरिने उहाले वताउनु भयो ।