featured photo: Darpanpost

दाङ १४ चैत ,

जिल्ला प्रहरी कार्यलय दाङ चितुवाको छालासहित एक जनालाई प्रक्राउ गरेको छ । अवैध दुर्लभ छाला ओसार पसार तथा विक्रि वितरण गर्दै आएको गोप्य सूचनाका आधारमो घोराही उपमहानगरपालिका १७ चौघेरामा डेरा गरि बस्ने २० बर्षीय सुनिल सुनारलाई एक थान चितुवाको छाला र आठ वटा दातसहित पक्राउ गरेको हो । जिल्ला प्रहरी कार्यालय दाङका प्रहरी निरिक्षक धनदेव साउदको कमाण्डमा खटिएको विशेष प्रहरी टोलीले सुनारलाई पक्राउ गरेको हो ।u9

जिल्ला प्रहरी कार्यालयले आज कार्यालयमा पत्रकार सम्मेलनको आयोजना गरि प्युठान स्वर्गद्धारी नगरपालिका ५ घरभई हाल चौघेरामा डेरा गरि बस्ने परियारलाई चितुवाको छाला,आठ थान दातसहित मंगलवार साझ पक्राउ गरि सार्वजनिक गरेको हो । प्रक्राउ गरेको छाला,दात र व्यक्तिलाई थप अनुसन्धानका लागि जिल्ला वन कार्यालयलाई बुझाउन थालेको पत्रकार सम्मेलनमा जिल्ला प्रहरी प्रमुख प्रहरी उपरिक्षक दुर्गा सिंहले जानकारी दिनुभएको हो

पक्राउ गरिएको चितुवाको छाला ५ फिट ११ इन्च लम्वाई र ४ फिट ३ इन्च र्चौडाई रहेको छ । ‘पछिल्लो समय दाङलाई ट्राजिट बनाएर अवैध दुर्लभ बन्यजन्तुको छाला,हाड तस्करी बढेको पनि पत्रकार सम्मेलनमा जनकारी गराईएको थियो । अवैध कारोवार रोक्नकालागि प्रहरी संक्रिय रुपमा लागेको जिल्ला प्रहरी प्रमुख प्रहरी उपरिक्षक दुर्गा सिंहले जानकारी दिनुभयो ।