featured photo: Darpanpost

नवलपरासी, चैत ११-
चितवन राष्ट्रिय निकुञ्जले नारायणी नदी र आसपासका खोलामा माछा मार्न रोक लगाएपछि नवलपरासीका बोटे र माझी समुदायकामानिस गाउँमै पोखरी खनेर माछापालन गर्न थालेका छन् । माछापालन थालेपछि यो समुदायको दैनिक जीवनमै पनि परिवर्तन आएको छ ।
नारायणी नदीमानिकुञ्ज र मध्यवर्ती क्षेत्रले माछा मार्नमा कडाई गरेपछी यो समुदायको पुख्र्याैली पेशा र जिविकोपार्जनको माध्ययम नै संकटमा परेको थियो । निकुञ्ज क्षेत्रमा माछा मार्न जाँदा निकुञ्ज प्रशासनले आफुहरुलाई धरकपड गर्ने समस्याका कारण पनि आफुहरुले समुह नै गठन गरी माछा पोखरी निर्माण गरेको सोहि स्थानका रामबहादुर विकले बताए ।
मध्यवर्ती वन क्षेत्रले पोखरी खन्न जमिन उपलव्ध गराएपछि अहिले सामुहीक रुपमा माछा पालन गरेर आफ्नौ घरखर्च मात्र होईन वचत समेत गर्न थालेका छन् ।
बोटे समुदायले समुह गठन गरी यसै मार्फत माछापालन थालेका हुन् । माछापालनले उनीहरुलाई बचत गर्ने बानीको समेत विकास गराएको छ । प्रत्येक सदस्यले मासिक पाँच सय बचत गर्ने गरेका छन् ।
परम्परागत पेशाले आधुनिक समाजमा प्रतिस्पर्धा गर्न नसकिने बुझाइ यो समुदायको छ । मध्यवर्ती ,माझीमुसहर बोटे कल्याण समिति, सहमति लगाएको संस्थाहरुको सहयोगमा बोटे समुदायले माछापालन थालेका हुन् । अहिले पहिलो चरणमा नवलपरासीमा ५० ओटा पोखरी खनेर माछा पालन गरिएको छ ।