featured photo: Darpanpost

देवी भण्डारी

हापुरे ११ चैत ,

प्रदेश नं ५ का मुख्य मन्त्री शंकर पोख्रेलले विकास र संम्बृद्धि भनेकै जनताको जिवन स्तर माथि उकास्नु भएको बताउनु भएको छ । आज बबई गाउंपालिकाको आयोजनामा पुरन्धारा झरनामा भएको बबई गाउपालिकाको विकासमा जनप्रतिनिधिको भुमिका विषयक अन्तरक्रिया कार्यक्रममा बोल्दै मन्त्री शंकर पोख्रेलले यस्तो बतोनु भएको हो । मुख्य मन्त्री शंकर पोख्रेलले आफ्नो क्षेत्रको लागी विकासको ढोका आफैले खोल्न सुरुवात गनु पर्ने भन्दै पालिकाले विकासको सुरुवात गरे गाउँपालिकाले गरेको सुरुवातको दोब्बर पहल र काम गर्ने बताउनु भएको छ ।

कार्यक्रममा बोल्दै मुख्यमन्त्री शंकर पोखरेलले पुरन्धारा झरनाको बिकासका लागि प्रदेश सरकारले बजेट विनीयोजन गर्ने पनि बताउनु भएको छ ।पर्यटनक्षेत्रबाट स्थानीय तहमा आर्थिक समृद्धि हुने भन्दै मुख्यमन्त्री पोखरेलले त्यसका लागि बबई गाउँपालिकालाई स्थानीय तहमा रहेका पर्यटकीयस्थलको बिकासमा ध्यान दिन आग्रह गर्नुभएको थियो । सधै अरुले काम गरोस् भन्ने चाहाना हुने भन्दै मुख्यमन्त्री पोखरेलले आफुबाट योजना निर्माण गरेर अरुबाट आश गर्न आग्रह गर्नुभएको थियो ।

गाउँपालिकाका अध्यक्ष भुबनेश्वर पौडेलको अध्यक्षतामा भएको कार्यक्रममा प्रदेश सरकारले सबै स्थानलाई न्यायचित रुपमा बिकासका पुर्बाधारलाई ध्यान दिने मुख्यमन्त्री पोखरेलले बताउनुभएको थियो । सबैले सरकारबाट अपेक्षा गर्ने भन्दै जनताले पनि गाउँठाउँको बिकासमा ध्यान दिन सकेमा बिकासको गतिले तीब्रता पाउने बताउनुभएको थियो ।

त्यस अवसरमा प्रदेशसभा सदस्य उत्तरकुमार वलीले प्रदेश बाट आउने कुनै जिकासका काममा बबइको विकासको लागी लगाउन कन्जुसाई हुन नदिने बताउनु भएको छ ।

धमकली चौधरी, दंगीशरण गाउँपालिका अध्यक्ष भागीराम चौधरी, पुरन्धारा वनमहासंघका अध्यक्ष चुडामनी कडेल ,कापुरे उद्योग वाणिज्य संघका अध्यक्ष ज्ञानप्रसाल आइतबारे पाण्डेय लगाएतले बोल्नुभएको थियो । कार्यक्रममा गाउँपालिका अध्यक्ष पौडेलले पुरन्धारा झरना र समग्र बबई गाउँपालिकाको बिकासका लागि कार्यपत्र प्रस्तुत गर्नुभएको थियो ।

गाउँपालिकाका उपाध्यक्ष सावित्रा बिश्वकर्माको स्वागत मन्तब्यबाट सुरु भएको कार्यक्रमको सहजीकरण गाउँपालिकाका प्रमुख प्रशासकीय अधिकृत मार्सलकुमार वलीले गर्नुभएको थियो । कार्यक्रममा बबई गाउँपालिकाका स्थानीयबासी, जनप्रतिनीधि, राजनीतिक दलका नेताहरुको सहभागीता रहेको थियो ।।