featured photo: Darpanpost

अमृत भट्टराई  / बुटवल चैत ३ – बुटवलको  देवीनगर मा जारी २० औँ तिलोत्तमा गोल्डकप आज सम्पन्न भएको छ ।

बुटवल देवीनगरस्थित एन्फा मैदानमा भएको २० औं तिलोत्तमा गोल्डकप को  उपाधि थ्रीस्टार क्लबले जितेको छ ।

आज भएको फाइनल  खेलमा  नेपाल पुलिस क्लबलाई २-० गोलको अन्तरले हराउँदै थ्रीस्टार क्लबले खेल जितेको हो ।

खेलको पहिलो हाफमा  गोलरहित बराबरीमा सकिएको थियो ।

दोस्रो हाफमा खेल शुरु भए सँगै  हावी बनेको थ्रीस्टार क्लबले  ६६ औं मिनेटमा बिमल घर्ती मगरको पासलाई बचाउन खोज्दा नेपाल पुलिसका रबिन श्रेष्ठले आत्मघाती गोल गर्ने पुगेका थिए ।

खेलको ७९ औं मिनेटमा सुनिल बलको कर्नर बाम निराजन खड्काले हेड गोल गरे ।

उपाधिसँगै थ्रीस्टारले ७ लाख ७७ हजार ७ सय ७७ रुपैयाँ पाएको छ भने उपविजेता पुलिसले ४ लाख ४ हजार ४ सय ४४ रुपैयाँ मा चित्त बुझाएको छ ।

प्रतियोगितामा रुस्लान थ्रीस्टार क्याप्टेन निराजन खड्का सर्वोत्कृष्ट खेलाडी घोषित भएका छन्  ।

प्रतियोगिता फागुन २४ गतेदेखि सुरु भएको थियो । प्रतियोगितामा १० समुहको सहभागीता रहेको थियो  ।

पुरस्कार वितरण समारोहमा बोल्दै बुटवल उपमहानगरका प्रमुख शिवराज सुवेदीले बुटवललाई खेलमय बनाउन तिलोत्तमा गोल्डकपले सहयोग गरेको बताए का थिए ।