featured photo: Darpanpost

२२ फागुन । राष्ट्रिय प्रजातन्त्र पार्टीले सम्पूर्ण राष्ट्रवादी र   प्रजातन्त्रवादी शक्तिहरुलाई एकहुन आह्वान गरेको छ । पार्टी अध्यक्ष कमल थापाको अध्यक्षतामा बसेको केन्द्रीय कार्य सम्पादन समितिको बैठकले मुलुकको वर्तमान परिस्थितिको गम्भीरता, राष्ट्रियता र प्रजातन्त्र माथिको सम्भावित खतरालाई दृष्टिगत गर्दै उक्त आह्वान गर्ने निर्णय गरेको पार्टीका प्रवक्ता भुवन पाठकले बताउनुभयो । त्यस्तै बैठकले पार्टीको केन्द्रीय परिषद्को बैठक वीरगन्जमा आगामी वैशाख ७, ८ र ९ गते गर्ने निर्णय पनि गरेको छ । पार्टीले आगामी चैत ८ र ९ गते केन्द्रीय अनुशिक्षण कार्यक्रम र चैत २३ र २४ गते राष्ट्रिय प्रजातान्त्रिक विद्यार्थी संगठनको केन्द्रीय भेला काठमाडाँैमा आयोजना गर्ने निर्णय गरेको छ ।