featured photo: Darpanpost

२० फाल्गुन, २०७४, माधव अधिकारी ।।

सेन्ट जोसेफ मा.वि. कावासोती–३, नवलपुरमा शिक्षक कर्मचारीहरुका बिचमा समिक्षात्मक बैठक सम्पन्न भएको छ । शैक्षिक सत्र २०७४ को अन्त्यतिर आइसकेकाले आज विदाको दिन पारी कार्यक्रम गरिएको हो । कार्यक्रममा शैक्षिक सत्र २०७४ को समिक्षा र २०७५ को योजनाको विषयमा छलफल गरिएको थियो ।

कार्यक्रमको सहजिकरण प्याबसनका केन्द्रीय सचिवालय सदस्य भीमलाल अधिकारीले गर्नुभएको थियो । कार्यक्रममा बोल्दै विद्यालयका प्रबन्ध निर्देशक दिपकराज लम्सालले विद्यालयको भौतिक र शैक्षिक गुणस्तरमा सुधार भएको जनाउदै आगामी आर्थिक बर्ष २०७५ मा २०० भन्दा बढि नयाँ विद्यार्थी बढाउन सकिने बताउनुभयो ।

कार्यक्रममा सहभागि शिक्षक कर्मचारीहरुले विद्यालयका राम्रा पक्ष र सुधार गर्नुपर्ने पक्षका बारेमा विचार व्यक्त गर्नुभएको थियो ।

कार्यक्रममा प्याबसनका केन्द्रीय सचिवालय सदस्य भिमलाल अधिकारी, विद्यालयका प्रबन्ध निर्देशक दिपकराज लम्साल, प्रीन्सिपल ओम प्रसाद रिजाल, भाइस प्रीन्सिपल विकास थापा लगायत विद्यालयमा कार्यरत सम्पूर्ण शिक्षक कर्मचारीहरुको सहभागिता रहेको थियो ।