featured photo: Darpanpost

एभरेष्ट गहतराज
फागुन  १९  पर्वत ।
पर्वतको बिहादी गाउँपालिकामा रेडियो उद्घोषण तथा पत्रकारिता तालिम शुरु भएको छ । रेडियो सत्यवाणीले तालिमको आयोजना गरेको हो । रानीपानीमा सञ्चालित रेडियोले परिक्षण प्रसारण शुरु भएपछि पहिलोपटक तालिमको आयोजना गरेको छ । तालिममा बिहादी गाउँपालिका भि त्रका २५ जनाको सहभागिता रहेको छ ।
तालिम फागुन ३० सम्म सञ्चालन हुने रेडियोका अधयक्ष हरि न्यौपानेले जानकारी दिनुभयो । तालिम पश्चात दक्षताको आधारमा केहिलाई रेडियोमै रोजगारीको अबसर पनि दिने अध्यक्ष न्यौपानेले जानकारी दिनुभयो । पत्रकार भवानीप्रसाद शर्मा, अगन्धर तिवारी, रोशन तिवारी, एभरेष्ट गहतराज, पदम क्षेत्रीले प्रशिक्षण दिने जनाइएको छ ।
तालिममा समाचार लेखन, कार्यक्रम उत्पादन र भाषणकलाको बारेमा सैदान्तिक र व्यवहारीक ज्ञान प्रदान गर्ने आयोजकले जनाएको छ । रेडियो सत्यबाणीले मंसिर १४ गतेदेखि परिक्षण प्रसारण गरिरहेको छ । अहिले १८ घण्टासम्म प्रसारण गरिँदै आएको रेडियोले नियमित कार्यक्रम र समाचार प्रसारण गर्ने तयारी गरेको छ । रेडियो सत्यवाणी पर्वतका गाउँपालिकाकै पहिलो सामुदायिक रेडियो हो ।