featured photo: Darpanpost

पर्वत
नेकपा माओवादी केन्द्रका अध्यक्ष एवम् पुर्वप्रधानमन्त्रि पुष्पकमल दाहाल प्रचण्डले अहिँलेको सरकार जनताको लागी स्थायीत्व,समृद्धी र समाजबादको आधार निर्माण गर्ने पहिलो सरकार बन्ने दाबी गर्नुभएको छ । बुधबार रेडियो दिदीबहिनी पर्वतको आठौँ बार्षीकोत्सव तथा दशौँ पश्चिमाञ्चल महिला महोत्सवको उद्घाटन गर्दैै प्रचण्डले नेपालमा करिब ६० बर्ष पछी बन्न लागेको दुई तिहाईको सरकारले सुशासन,समृद्धि,विकास र परिर्वतन गरेरै छाड्ने दाबी गर्नुभयो । देश लाई समृद्धशालि बनाउन दुई तिहाईको सरकार बनाउने कसरत भईरहेको भन्दै दुई तिहाई सांसदले समर्थन गरेको सरकारले सुसाशन, स्थायित्व र विकासको ग्यारेण्टी गर्ने बताउनुभयो । दुई तिहाई पुराउन मधेसीदल लाई पनि सरकरामा सहभागी गराउन लागेको बताउदै प्रचण्डले मधेसी दल सँग बिभिन्न छलफलहरु भईरहेको र पटक पटक गरिएको छलफल सकारात्मक रहेको प्रतिक्रिया दिनुभयो । प्रचण्डले सहमति पत्रमा आजै हस्ताक्षर हुने र भोलि सम्ममा फोरमलाई समेत सहभागि गराएर मन्त्रिपरिषदलाई पुर्णता दिने तयारी रहेको समेत बताउनुभयो । साथै उहाँले नेपाली जनताले स्थायित्व र विकासको चाहना खोजेको बताउँदै प्रचण्डले सुशासन, स्थायित्व र विकासका लागि सबै राजनीतिक दल, आम जनता र व्यवसायी सबै बीच राष्ट्रिय एकताको आवश्यकतामा जोड दिनुभयो ।दुई तिहाईको सरकार बनाउन चटारो रहेको बताउदै प्रचण्डले आफ्नो मन्तव्य छोट्याएउनुभएको थीयो ।
कार्यक्रममा राष्ट्रिय सभाका सदस्य गणेश तिमिल्सिना, प्रतिनिधीसभाका सदस्यहरु सुर्य पाठक,मन कु.केसी,प्रदेश सभाका सदस्यहरु विकास लम्साल,जुनादेवी नेपाली लागएतले बोल्नुभएको थीयो ।