featured photo: Darpanpost

अमृत भटृराई \ बुटवल ,फाल्गुन -७     शान्तिपूर्ण कार्यक्रममा प्रहरीले हस्तक्षेप गरेको र आफ्ना नेता र कार्यकतर्ा गिरफ्तार गरेको विरोधमा भोलि ८ गते  मंगलबार नेपाल बन्द आह्वान गरेको छ ।

विराटनगरबाट पाटीका स्थायी समिति सदस्य हेमन्तप्रकाश ओली पोलीब्युरो सदस्य पदम राई लगायतका दर्जनभन्दा बढी नेता तथा कार्यकर्ताहरुलाई गिरफ्तार गरेको र राष्ट्रिय युवा जनस्वयंसेवकको कार्यक्रममा प्रहरी हस्तक्षेप गरेको विरोधमा  नेपाल बन्दको योजना गरिएको नेकपाको उच्च स्रोतले जानकारी दिएको छ ।आइतबार  साझ एक प्रेस विज्ञप्ति जारी गर्दै नेकपाका महासचिव पिप्लवले  युवा जनस्वयं सेवकको राष्ट्रिय सम्मेलनमा जादै गरेका स्थायी समिति सदस्य ओली र पिबीएम पदम राई लगायतका दर्जनौं युवा नेता र कार्यकर्ताहरुलाई गिरफ्तार गरेको र शान्तिपूर्ण रुपमा गर्न लागिएको राष्ट्रिय सम्मेलनमाथि राज्य प्रशासनले दमन गरेको भन्दै घोर निन्दा गरेका छन् ।

पिप्लवले भने आफना पाटीका उच्च तहका नेता र दर्जनौं कार्यकर्ता लाई रिहा नगरे त्यसबाट उत्पन्न हुने परिस्थितिको जिम्मेवार सरकार हुनुपर्ने चेतावनी समेत दिएका छन् ।प्रहरीले सम्मेलनमा सहभागी हुन देशका विभिन्न ठाउँबाट विराटनगर जादै गरेका दुईसय भन्दा बढी नेता कार्यकर्ता र सर्मथक शुभचिन्तकहरुलाई पक्राउ गरेको नेकपाको पूर्वी कमाण्ड कार्यालय श्रोताले जानकारी दिएको छ ।