featured photo: Darpanpost

 माधव अधिकारी

माघ २५  । नेपाल कारखाना श्रमिक संघ चौधरी ग्रुप औधोगिक पार्क दुम्कौलीको अध्यक्षमा श्याम न्यौपाने सर्वसम्मत रुपमा चयन हुनुभएको छ । नेपाल ट्रेड युनीयन कांग्रेस सँग आवद्ध संघको नवौँ अधिवेशनले श्याम न्यौपानेको अध्यक्षतामा १५ सदस्यीय कार्यसमिति सर्वसम्मत रुपमा चयन गरेको छ । जसको उपाध्यक्षमा कृष्ण शर्मा, सचिवमा कृष्ण प्रसाद रेग्मी(प्रकाश), सहसचिवमा नवल महत्तो र कोषाध्यक्षमा लेख बहादुर सिंजाली चयन हुनुभएको छ ।
यसैबिच नेपाल कारखाना श्रमिक संघको नवनिर्वाचित कार्यसमितिका पदाधिकारीहरुको पद तथा गोपनियताको सपथ ग्रहण कार्यक्रम समेत बिहिबार सम्पन्न भएको छ । निर्वाचन अधिकृत प्रदिपराज घिमिरेले एक समारोहका बिच नव निर्वाचित पदाधिकारीहरुलाइ पद तथा गोपनियताको सपथ ग्रहण गराउनुभएको हो । सपथ ग्रहण कार्यक्रममा नेपाल कारखाना श्रमिक संघका जिल्ला अध्यक्ष शम्भु लम्साल, ट्रेड युनियन नवलपुरका कार्यवाहक अध्यक्ष गंगाधर सुवेदी, निवर्तमान अध्यक्ष गणेश आचार्य लगायतले नवनिर्वाचित कार्यसमितिको सफल कार्यकालको शुभकामना व्यक्त गर्नभएको थियो ।