featured photo: Darpanpost

घोराही २० माघ।  जन कल्याण माध्यामिक विद्यालयमा प्राविधिक शिक्षालयका लागि आयोजना गरिएको महायज्ञमा शनिबारमात्रै १५ लाख बराबरको जग्गा र दिउसोसम्म तिनलाख बढि नगद जम्मा भएको छ । शनिबारमात्रै विद्यालय व्यवस्थापन समितिका अध्यक्ष एवम महायज्ञ मुल आयोजक समितिका संयोजक अहिलेसम्मकै सबैभन्दा बढि दान एक लाख ५१ हजार दिएका छन् । प्राविधिक शिक्षालयका लागि माद्द १८गतेदेखि सुरु भएको महायज्ञमा आज सबैभन्दा बढि रकम संकलन भएको छ । शनिबार मात्रै स्थानीय समाजसेवी केशव रिजाल र शान्ता रिजालले एक लाख २५ हजार ५ सय २५ सहयोग गरेका थिए । स्थानीयस्तरमै प्राविधिक जनशक्ति उत्पादन गरी देशमा दक्षजनशक्तिका लागि शैक्षिक स्थलमा उक्त रकम सहयोग गरेको मनकारी दाता केशव रिजालले बताए । त्यसैगरी मीना बस्नेतले ५१हजार एकसय ५१, दुधरास बचत तथा ऋण सहकारी संस्थाले २५ हजार एक सय २५, बामदेव पोख्रेलले २४ हजार एक सय २५, तुलसीपुर उपमहानगरपालिका वडा नम्बर १७मा तिहारमा खेलेको भैलो रकम स्थानीय युवाहरुबाट १५ हजार एक सय ५५, शालिकराम डाँगीले १५ हजार ५५, ज्ञानबहादुर बस्नेतले १५ हजार एक सय ५५, इन्दिरा अवस्थीले १५ हजार ६ सय २५, मदनकुमारी बस्नेत र रिता कुमारी बस्नेतले दश हजार पाँच,कमला रावतले १० हजार एक सय ५५, भीमबहादुर परियारले १० हजार एक सय पाँच, सप्तरंगी बहुउद्देश्यीय सहकारी संस्थाबाट दश हजार पाँच, दिलबहादुर वलीले दश हजार एक सय ५१,दिदी बहिनी महिला समूह तुलसीपुर उपमहानगरपालिका वडा नम्बर १९ हाडिमेले पाँच हजार एक सय ५५ सहयोग गरेको आर्थिक व्यवस्थापन समितिका सदस्य केवल डाँगीले जानकारी दिएका छन् । १५ लाख बढिको जग्गा दान यसैबिच शनिबार नै १५ लाख बढिको जग्गा दान प्राप्त भएको छ । मूल आयोजक समितिका महासचिव गेहराज पौडेलले दश लाख बराबरको जग्गा दान दिएका छन् । त्यसेगरी युगराज अधिकारीले पाँच लाख बराबरृका जग्गा दान दिएका छन् । हालसम्म चन्द्रबहादुर डाँगीले १० लाख २५ हजार, तिलकबहादुर डाँगीले ५ लाख बराबर मूल्यको जग्गा दान दिएका छन् । शनिबार दिउसोसम्म ३० लाख २५ हजार बराबर मूल्यको जग्गा दान प्राप्त भएको छ । शनिबार महायज्ञमा कथावाचन सुन्न आउनेको घुइचो लागेको थियो । महायज्ञमा मुख्य कथावाचकमा पण्डित दिनबन्धु पोख्रेल रहेका छन् भने उपवाचकमा धुव्रशरण वश्याल रहेका छन् । महायज्ञबाट जनकल्याण माध्यामिक विद्यालयमा डिप्लोमा तहको इन्जिनिरिङ कक्षा सञ्चालनका लागि आवश्यक पर्ने एक करोड रुपैया संकलन गर्ने लक्ष्य राखिएको छ ।