featured photo: Darpanpost

नवलपरासी । नवलपुरका पत्रकार पवित्रा पराजुली जलुके खानेपानी तथा उपभोक्ता संस्थाबाट सम्मानित हुनुभएको छ । गैँडाकोटमा रहेको जलुके खानेपानी तथा सरसफाई उपभोक्ता संस्थाले खानेपानी तथा सरसफाईको २२ औं वार्षिक साधारण सभामा पत्रकार पराजुलीले गरेको योगदानको कदर गर्दै सम्मान गरेको हो ।

पत्रकार पराजुलीले रेडियो कार्यक्रम ‘सुरक्षित पानी, स्वस्थ जिन्दगानी’ मार्फत उपभोक्ताहरुमा खानेपानी तथा सरसफाईको क्षेत्रमा सचेतना अभिवृद्धि गर्ने, खानेपानीको मूहानको संरक्षण, खानेपानीको समुचित प्रयोग, खानेपानी संस्थाका समस्या तथा सम्भावनाहरुलाई सम्बन्धित निकायमा पु¥याउन गरेको योगदानको गर्नु भएको थियो ।

साधारण सभाका प्रमुख अतिथि गैँडाकोट नगरपालिकका नगर प्रमुख मदनभक्त अधिकारी, खानेपानी संस्थाका अध्यक्ष जगन्नाथ पौडेल लगायत अतिथिहरुले प्रशंसा पत्र सहित सम्मान गर्नुभएको हो ।

विगत डेढ दशकदेखी विजय एफएम १०१.६ ले जलुके खानेपानी संस्थासँगको सहकार्यमा सुरक्षित पानी स्वस्थ जिन्दगानी कार्यक्रम सञ्चालन गर्दै आएको छ ।