featured photo: Darpanpost

प्युठानको माण्डवी गाउँपालिकाले आर्थिक वर्ष २०७९/०८०को वित्तीय प्रगति सार्वजनिक गरेको छ।चालू आर्थिक वर्ष २०७९/०८०को सम्पुर्ण खर्च तथा भुक्तानी सम्वन्धि लेखाङ्कन कार्य हिजो दिउँसो ३:०० वजे देखि बन्द गरिएको जनाउँदै गाउँपालिकाले वित्तीय प्रगति सार्वजनिक गरेको हो।गाउँपालिकाले जारी गरेको सुचना अनुसार सो आर्थिक वर्षमा चालू तर्फ विनियोजन गरेको रकम मध्ये रु.२७,०३,८७,००० अर्थात ८४.८९% र पुजीगत खर्च तर्फ विनियोजन रकम मध्ये रु.११,४१,९५,०००अर्थात ८२.१५ % वजेट खर्च भएको छ।यस्तै समग्रमा कुल विनियोजित वजेट रकम रु.४५,७४,७५,००० मध्ये रु.३८,४५,८२,००० अर्थात् ८४.०६ % विकास बजेट खर्च भएको प्रमुख प्रशासकीय अधिकृत प्रकाश पाण्डे र आर्थिक तथा प्रशासन प्रमुख माधव केसी द्वारा हस्ताक्षरित सुचनामा उल्लेख छ।साथै चालू आर्थिक वर्ष २०७९/०८०को वजेट नीति तथा कार्यक्रम सफल रुपमा कार्यान्वयनमा सहयोग गर्ने निर्वाचित जनप्रतिनिधि ,कर्मचारी,संघसंस्था तथा सरोकारवाला सवै प्रति गाउँपालिकाले हार्दिक आभार समेत व्यक्त गरेको छ।