About Contact
१९ मंसिर २०८०, मंगलबार
Close
बिज्ञापन
देवदहमा ‘प्रथम देवदह मिडिया फेस्टिबल’ हुने

रेशम अधिकारि सोमबार, जेठ २२, २०८० मा प्रकाशित

featured photo: Darpanpost

जेष्ठ २०, रुपन्देही ।
रुपन्देहीको देवदहमा ‘प्रथम देवदह मिडिया फेस्टिबल’ हुने भएको छ। देवदह प्रेस क्लबको आयोजनामा जेष्ठ २४ देखि २६ गते सम्म ३ दिन मिडिया फेस्टिबल’ संचालन हुन लागेको हो।

मोफसल तथा राष्ट्रिय पत्रिकाका सम्पादक, रेडियो टेलिभिजन तथा अनलाइनका सम्पादक तथा लेखक,पर्यटन, कृषि, सहकारी, वन, तथा कानुनका ज्ञाता, जनप्रतिनिधि तथा बिभिन्न संघ संस्थाका प्रतिनिधिहरुको सहभागितामा बुद्धको मावली स्थल देवदहमा तीन दिवसीय मिडिया फेस्बिटल सम्पन्न गर्न लागिएको संस्थाका अध्यक्ष बिष्णु प्रसाद पोखरेलले जानकारी दिए।

कोलिय गणराज्यको राजधानी, गौतम बुद्दको मावली स्थल देवदहमा हुन लागेको उक्त कार्यक्रमले लुम्बिनी संगै देवदहको पर्यटन विकासमा सहयोग पुग्ने बताए। कार्यक्रम अवधिभर फरक फरक सेसन बनाएर मिडियाको वर्तमान अवस्था, समाजमा सकारात्मक परिवर्तनका निमित्त मिडियाको भूमिका, वन ,पर्यटन, कृषि तथा सुशासनका विषयमा साक्षात्कार गरिने क्लबका अध्यक्ष पोखरेलले बताए।

कार्यक्रमलाई सफल बनाउन विभिन्न उपसमिति बनाएर जिम्मेवारी दिइएको क्लबका सचिव निर्मल थापाले जानकारी दिए । जस अन्तर्गत संस्थाका अध्यक्ष बिष्णु प्रसाद पोखरेल संयोजक र उपाध्यक्ष कमला अर्याल सह- संयोजक रहने गरी मूल आयोजक समिति गठन गरिएको छ । त्यसैगरी संस्थाका सचिव निर्मल थापाको संयोजकत्वमा सचिवालय गठन गरिएको छ । सचिवालय सह- संयोजकमा धनि कुमारी पन्थी रहेका छन् ।
त्यसै गरि संस्थाका सह-सचिव धुब्र लामिछानेको संयोजकत्वमा पत्राचार तथा सम्पर्क, कोषाध्यक्ष मिन बहादुर अछामी रानाको संयोजकत्वमा आर्थिक विभाग, रेशम अधिकारीको संयोजकत्वमा सूचना तथा प्रचार प्रसार, ललिता घिमिरेको संयोजकत्वमा अतिथि सत्कार, नविन लुइँटेलको संयोजकत्वमा छपाई तथा फ्रेमिंग उप समिति गठन गरिएको सचिव थापाले बताए ।

मिडिया फेस्टिबल सफल बनाउनका लागि बिभिन्न समन्वय समिति समेत गठन गरिएको छ । जस अन्तर्गत संस्थाका सल्लाहकार सिद्दिचरण भट्टराईको संयोजकत्वमा स्थानीय तह तथा लुम्बिनी विकास कोष समन्वय समिति, पवन पौडेलको संयोजकत्वमा सहकारी तथा होटेल व्यवसायी समन्वय समिति, रमेश कुमार पोख्रेलको संयोजकत्वमा सामुदायिक वन तथा सामाजिक संघ संस्था समन्वय समिति, टक बहादुर सुनारको संयोजकत्वमा पत्रकार महासंघ तथा प्रेस क्लब समन्वय समिति, झविन्द्र देवकोटाको संयोजकत्वमा सम्पादक तथा मिडिया हाउस समन्वय समिति, निर्मल ढुंगानाको संयोजकत्वमा सामुदायिक विद्यालय समन्वय समिति, राम बहादुर गुरुङको समन्वयमा निजि विद्यालय समन्वय समिति, दिपक न्यौपानेको संयोजकत्वमा जनप्रतिनिधि, राजनीतिक दल तथा संघ संगठन समन्वय समिति र प्रेम थापाको संयोजकत्वमा जातीय तथा सांस्कृतिक संघ संस्था समन्वय समिति गठन गरिएको छ ।

बिभिन्न उपसमिति बनाएर फेस्टिबलको तयारी तिब्र पारिएको र केहि दिन भित्रै पत्रकार सम्मेलनको आयोजना गरि मिडिया फेस्टिबल बारे विस्तृत जानाकरी गराइने संस्थाका सचिव थापाले जानकारी दिए।

सम्बन्धित

ताजा अपडेट
प्रथम देवदह मिडिया कपको च्याम्पियन बन्यो देवदह प्रेस क्लब
देवदहमा प्रथम मिडिया कप ‘सेभेन-ए साइड’ सुरु

Facebook

दर्ता विवरण

  अध्यक्ष : विमल भट्टराई
सम्पादक : टक बहादुर सुनार

कार्यकारी सम्पादक: धना पन्थी

सूचना विभाग दर्ता नंः १२३२/०७५–७६ 

सूचीकरण प्रमाणपत्र  न.: १६०१

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Lumbini Province, Nepal
Contact No : 9861886471, 9806977770
Email :[email protected]

Web :- www.darpanpost.com