featured photo: Darpanpost

पाल्पा, ३१ बैशाख । पाल्पाको त्रिभुवन बहुमुखी क्याम्पसको स्वतन्त्र विद्यार्थी युनियनको कोषको रकम हिनामिना भएको भन्दै स्ववियुले क्याम्पस प्रशासनलाई विज्ञप्ति बुझाएको छ । आइतबार स्ववियुका अध्यक्ष कृष्ण अर्याल र सचिव तारा बहादुर रायमाझीको हस्ताक्षरित विज्ञप्तिमा तत्काल स्ववियु रकम तथा प्रयाप्त सूचना सार्बजनिक गर्न र नगरे कडा कदम चाल्ने चेतावनी दिदै विज्ञप्ति बुझाएको हो ।

पूरा पढ्नुहोस् विज्ञप्ति..

श्रीमान् क्याम्पस प्रमुख ज्यू
त्रिभुवन बहुमुखी क्याम्पस
तानसेन, पाल्पा
मिति: २०८०/०१/३१
बिज्ञप्ति
स्वतन्त्र विद्यार्थी युनियन विद्यार्थीको हकहित अधिकार साथै क्याम्पसको शैक्षिक गुणस्तरका लागि निरन्तर प्रयत्नशील रहदै आएको छ । लाखौं विद्यार्थीको त्याग , मिहिनेत र बलिदानपुर्ण संघर्ष , विद्यार्थी आन्दोलनको लामो इतिहास रहेको बैधानिक निर्वाचित संस्था हो । विकृति, विसंगति ,जनताका जनजीविका ,राष्ट्रियताको सवालमा लड्दै आएको कुरा आम जनसमुदायमा सर्वविदितै छ ।
यसै सन्दर्भमा त्रिभुवन बहुमुखी क्याम्पसमा स्वतन्त्र विद्यार्थी युनियन नयाँ समिति आएको करिब ३ महिना हुन लागेको छ । स्ववियु शुल्क शीर्षकमा प्रत्येक विद्यार्थी बाट उठाउदै आएको रकम अझैसम्म सार्बजनिक भएको छैन । धेरै पटक मौखिक र २ पटक लिखित रूपमा सार्बजनिक गर्न अनुरोध गरेपनि २०६५ पछिको ठुलो रकम प्रयोग भएको र केही रकम मात्रै रहेको भन्ने आएको छ । स्ववियु कोषको रकम अन्य शीर्षकमा प्रयोग गर्नु नितिगत भ्रष्टाचार हो । सूचना समेत गोप्य राखी खर्च भएको विवरण सार्बजनिक नगर्नु भित्री चलखेल भएको महसुस भएको छ । तत्काल स्ववियु रकम तथा प्रयाप्त सूचना सार्बजनिक गर्न अनुरोध गर्दछौं । अन्यथा कडा कदम चाल्ने चेतावनी दिन चाहन्छौं ।
बोधार्थ :
क्याम्पस प्रशासन
पुर्व स्ववियु समिति
विद्यार्थी संघ संगठनहरु
विभिन्न संकाय प्रमुखहरुस्ववियु कोषको रकम हिनामिना भएको भन्दै क्याम्पस प्रशासनलाई विज्ञप्ति