featured photo: Darpanpost

कृष्णनगर, कपिलवस्तु । बैशाख २६ । ईलाका प्रहरि कार्यालय कृष्णनगरद्वारा खटिएको गस्ती टोलीले १० केजी चरेस जस्तो देखिने पदार्थ सहित यात्रुगेट बाट दुइ जनालाई प्रहरीले नियन्त्रणमा लिएको छ।
आज बिहानको १०:३० बजेको समयमा ईलाका प्रहरी कार्यालय कृष्णनगरबाट खटि गएको प्रहरी गस्ति टोलीले कपिलवस्तु जिल्लाको कृष्णनगर नगरपालिका वडा नं. ०२ यात्रुगेट स्थितमा नेपालबाट भारततर्फ जाँदै गरेका शंकास्पद व्यक्तिलाइ चरेस सहित पक्राउ गरेको हो ।

धादिङ जिल्लाको साबिक खनियाबास गा.बि.स. वडा नं. ५ का ४९ वर्षिया संगिता तामाङ र जिल्ला धादिङ सत्यवती गा.वि.स. वडा नं. १ का ५९ बर्षिय सेती तामाङलाई प्रहरीले पक्राउ गरेको हो ।

उनिहरुका साथबाट प्रहरीले लागु औषध (चरेश) जस्तो देखिने र गन्ध आउने छाम्दा हल्का गिलो अवस्थामा रहेको कालो पदार्थ बरामद गरेको छ । प्रहरीले उक्त वस्तुको तौल १० के.जि. भएको जनाएको छ । उक्त घटनाको थप अनुसन्धान भईरहेको ईलाका प्रहरी कार्यालय कृष्णनगरका प्रमुख प्रहरी निरिक्षक नवराज ढुंगेलले जानकारी दिनु भएको छ ।