featured photo: Darpanpost

२५ बैशाख । पाल्पामा झुन्डिएको अवस्थामा सडेको शव फेला परेको छ । सोमबार तिनाउ गाउपालिका ३ झुम्सास्थित रहेको फुल्फुले सामुदायिक जंगलमा भरलाको रुखमा अन्दाजी २०/२५ बर्षका युवाको शव फेला परेको जिल्ला प्रहरी कार्यालय पाल्पाका प्रहरी नायब उपरीक्षक तथा सुचना अधिकारी विरेन्द्र थापाले जानकारी दिनुभयो ।

मृतकको परिचय भने नखुलेको प्रहरीले जनाएको छ । शव प्लाष्टिकको डोरीको पासो लगाई गलेको अवस्थामा रहेको प्रहरीले जनाएको छ ।

प्रारम्भिक अनुसन्धान पश्चात शव पोष्टमार्टमको लागी जिल्ला अस्पताल पाल्पामा पठाएको थापाले बताउनु भयो । उक्त घटना सम्बन्धी थप अनुसन्धान भइरहेको जिल्ला प्रहरी कार्यालय पाल्पाका प्रहरी नायब उपरीक्षक तथा सुचना अधिकारी विरेन्द्र थापाले जानकारी दिनुभयो ।