[contact-form][contact-field label=”Name” type=”name” required=”true” /][contact-field label=”Email” type=”email” required=”true” /][contact-field label=”Website” type=”url” /][contact-field label=”Message” type=”textarea” /][/contact-form]

दुर्गा प्रसाद काफ्ले
चन्द्रौटा कपिलवस्तु

कपिलवस्तु जिल्ला बाणगंगा नगरपालिकामा आजदेखि चौथो मेयर कप फुटवल प्रतियोगिता सुरु भएको छ । उक्त प्रतियोगिता बाणगंगा नगरपालिका वडा नम्बर २ स्थित जनता मावि पिपराको खेल मैदानमा सुरु भएको हो ।
आज विहिबार भएको उद्घाटन खेलमा वडा नम्बर ६ ले विजयी सुरुवात गरेको छ । वडा नम्बर ३ लाई हराउँदै वडा नम्बर ६ ले २–० गोल अन्तरले जित निकालेको हो । अब भोलि शुक्रबार दुई खेल हुने नगर खेलकुद विकास समितिका संयोजक पदम सेनले दर्पण पोस्ट लाई जानकारी दिएका छन। सेनका अनुसार पहिलो खेल वडा नम्बर ८ र ११ बीच हुने छ भने दोस्रो खेल वडा नम्बर ५ र १० बीच हुने छ ।
मेयर कपको उपाधि जित्नेले नगद रु. एक लाखसहित शिल्ड, मेडल र प्रमाण पत्र पाउने छन भने द्धितीय हुनेले नगद रु.७५ हजारसहित मेडल र प्रमाण पत्र पाउने छन । यस्तै मेयर कपको सेमीफाईनलमा पुग्ने टिमले नगद रु.३०/३० हजारसहित शिल्ड, मेडल र प्रमाण पत्र प्राप्त गर्ने छन् । आजदेखि सुरु भएको उक्त प्रतियोगिता चैत्र १ गतेसम्म चल्ने आयोजक ले जनाएको छ!