featured photo: Darpanpost

प्रतिनिधि सभा सदस्यमा दल बहादुर थापा र प्रदेश सभा सदस्य (क) बाट प्रेम बहादुर थापा र (ख) बाट रेखाप्रसाद चौधरीको उम्मेदवारी मनोनयन दर्ता भएको हो ।

मनोनयन दर्ता भएलगत्तै प्रतिनिधि सभा सदस्यका उम्मेदवार दल बहादुर थापाले पत्रकारसँग भेटवार्ता गर्दै सम्पन्न स्थानीय चुनावको दृष्टान्तलाई नियाँल्दा हर्क साम्पाङ्ग र बालेन साह जस्ता युवाहरुले देशको लागि उदाहरणीय काम गरेको औल्याउँदै अब देश बचाउँन र बनाउनका लागि युवाको खाँचो रहेको र देशकै एक सच्चा र इमान्दार राष्ट्रिय जनमुक्ति पार्टीलाई जिताउनै पर्ने जिकीर गर्नुभयो । आजसम्मको प्रजातान्त्रिक अभ्यासमा पितृ परेका बैशाखीमा टेकेर र्याल चुहाउनेहरुले देश कायापलट गर्न नसकेको आरोप लगाउँदै उम्मेदवार थापाले अब देश समृद्ध र सबल बनाउन युवाहरु राजनीतिमा आउनुपर्ने बताउनुभयो । उहाँले ट्रान्सप्यारेन्सी इन्टरनेशनलको तथ्यांक अनुसार नेपाल विश्वकै ११७ औ र दक्षिण एसियाकै चौथो भ्रष्टाचारको सूचीमा सूचिकृत रहेको प्रष्ट्याउँदै मुलुकलाई भ्रष्टाचारमुक्त गर्न सके सोही रकमले देशको आधा विकास गर्न सकिने दाबी गर्नुभयो ।

त्यस्तै निर्वाचन क्षेत्र नं. २ मा प्रतिनिधि सभा सदस्यतर्फ केशब सूर्यवंशी र प्रदेश सभा सदस्य (क) बाट बिमला गुरुङ्ग र (ख) बाट छत्र दर्लामीको उम्मेदवारी मनोनयन दर्ता भएको छ । निर्वाचन क्षेत्र नं. ३ मा प्रतिनिधि सभा सदस्यतर्फ मोजिब अली र प्रदेश सभा सदस्य (क) बाट प्रेम बहादुर गुरुङ्ग र (ख) बाट मिन बहादुर पल्ली, निर्वाचन क्षेत्र नं. ४ मा प्रतिनिधि सभा सदस्यतर्फ जोहर अली र प्रदेश सभा सदस्य (क) बाट राकेश हरिजन र (ख) बाट गायत्री चाई र निर्वाचन क्षेत्र नं. ५ मा प्रतिनिधि सभा सदस्यतर्फ भैर बहादुर थापा र प्रदेश सभा सदस्य (क) बाट लिल बहादुर दर्लामी र (ख) बाट मोहम्मद उमर मुसलमानको उम्मेदवारी मनोनयन दर्ता सम्पन्न भएको छ ।