featured photo: Darpanpost

दिपा न्यौपाने, २२ असोज । रुपन्देही क्षेत्र नम्बर १ बाट प्रतिनिधिसभा सदस्यको उम्मेदवारमा युवा नेता मणि न्यौपाने को नाम आएपछि सामाजिक सञ्जाल, चिया पसल तथा चोक चोकमा उनको चर्चा हुँदै आएको छ । आगामी मंसिर ४ गते हुने प्रतिनिधिसभा सदस्य निर्वाचनका लागि युवा नेता न्यौपाने को नाम सिफारिस भएपछि उनलाई जिताउन सामाजिक सञ्जालमा माग समेत हुन थालेको छ । सामाजिक सञ्जालमा शुभेच्छुकहरुले उनलाई सफलताको शुभकामना समेत दिइरहेका छन् ।

सम्पुर्ण युवा तथा क्षेत्रबासिको साथ रहेकाले निर्वाचन जित्ने न्यौपाने ले बताए । एमाले को विकास को मोडल देखिसके गठबंधन संग त उम्मेदवार नै छैन त्यसैले साच्चिकै यो क्षेत्र को माटो बुझेको यो क्षेत्रको आवश्यकता र महत्व बुझेको एक मात्रै निर्विकल्प उम्मेदवार म‌ नै हो त्यसमाथि अनुभवी युवा त्यसैले अत्याधिक बहुमत का साथ हामि चुनाव जित्छौ ।

राजनीतिक र सामाजिक क्षेत्रमा निरन्तर क्रियाशिल रहेको र जनतासँग नजिक रहनु नै आफ्नो जीतको आधार रहेको उनको भनाइ छ । उनले भने, ‘राजनीति पेशा होइन, सेवा हो, म जनताको सेवा गर्न चाहन्छु ।’

लियो जिल्ला परिषद ३२५ पी नेपालका जिल्ला परिषद सचिव रविन जोसि ले युवा नेता मणि न्यौपाने जित्ने धेरै आधार रहेको बताए । उनले भने, ‘सर्वप्रथम उहाँ युवा नेता हुनुहुन्छ, त्यस्तै उहाँ स्पष्ट योजना नीति तथा कार्यक्रमसहितको नेतृत्व गर्ने क्षमता भएको व्यक्ति हुनुहुन्छ ।

लियो क्लब अफ तिलोत्तमा भृकुटी टाउनका अध्यक्ष दिलिप पोख्रेलले मणि न्यौपाने युवा वर्गमा चर्चित नाम भएको बताए । उनले भने, ‘लियो डिष्ट्रिकको नेतृत्व सम्हालिरहनु भएका युवा नेता न्यौपाने ले जनताको पक्षमा काम गर्न सक्नुहुन्छ भन्नेमा विश्वस्त छौं । ’ युवाले नै अब जिम्मेवारी लिनुपर्ने र युवाबाट जनताले विकासको अपेक्षा गरेको उनको भनाइ छ ।

को हुन् लिला मणि न्यौपाने?

वि.सं. २०५९साल भदौ ३० गते रुपन्देहीको तिलोत्तमा नगरपालिका वडा नम्बर ११ मा जन्मिएका लिला मणि न्यौपाने राजनीतिक तथा सामाजिक क्षेत्रमा निरन्तर क्रियाशील युवा नेता हुन्। २०६२-६३ को जनआन्दोलन बाट सक्रिय ढंगले राजनिति मा लाग्दै विभिन्न जिम्मेवारी सम्हाल्दै आएका छन् । नयाँ शक्ति नेपाल
पार्टी को युवा को रुपन्देही जिल्ला सचिव पनि भइसकेका छन्।

कम्युनिष्ट पार्टीबाट राजनीतिक यात्रा सुरु गरेका ३० वर्षिय न्यौपाने राजनीतिकसँगै विभिन्न सामाजिक संघ–संस्थाको नेतृत्व समेत गरिसकेका छन् । उनी लियो क्लब अफ तिलोत्तमा भृकुटी टाउनका संस्थापक सदस्य हुन् । त्यस्तै लियो क्लब अफ तिलोत्तमा भृकुटी टाउनको अध्यक्षको जिम्मेवारी सम्हालिसकेका न्यौपाने लियो क्लब डिष्ट्रिक ३२५ बी २ नेपालका उपाध्यक्ष तथा लियो नेपाल को राष्ट्रिय कोषाध्यक्ष समेत भइसकेका छन् । त्यस्तै उनि लियो जिल्ला परिषद ३२५ पि नेपाल को अध्यक्ष समेत छन् ।

आफ्ना मामाको प्रेरणाबाट राजनीति क्षेत्रमा लागेका युवा नेता न्यौपाने निरन्तर सोही क्षेत्रमा क्रियाशिल छन् । मणिका मामा रमेश भट्टराई नेकपा माओवादीका जनयुद्धमा सेना द्वारा बेपत्ता पारिएका यौद्धा हुन् ।