featured photo: Darpanpost

२१ असोज । स्वास्थ्य तथा जनसंख्या मन्त्रालयले झाडापखाला, डेङु र हैजाबाट बच्न अनुरोध गरेको छ । मन्त्रालयले एक सुचना जारी गर्दै यस्तो अनुरोध गरेको हो ।

अविरल रुपमा परिरहेको बर्षाले झाडापखाला, डेङु र हैजाको जोखिम बढेको मन्त्रालयले जनाएको छ । मन्त्रालयले झाडापखाला र हैजाबाट बच्न पानि उमालेर वा क्लोरिन गरेर पिउन, ब्यक्तिगत सरसफाइमा ध्यान दिन, बासी सडेगलेको खाना नखान, खाना छोपेर राख्न तथा काचै खाने फलफुल र तरकारीको सरसफाइमा विशेष ध्यान दिन अनुरोध गरेको छ ।

मन्त्रालयले डेङुबाट बच्नलाइ सरसफाइमा विशेष ध्यान दिन भनेको छ म स्वास्थ्य मन्त्रालयले डेङुबाट बच्न घर र कार्यस्थम वरपर पानी जम्न नदिन, झ्याल्ढोकामा लामखुट्टे नछिर्ने जाली लगाउन, सुत्दा झुलको प्रयोग गर्न, पुरै शरीर ढाक्ने लुगा लगाउन अनुरोध गरेको छ ।

स्वास्थ्य तथा जनसंख्या मन्त्रालयले खाद्यान्न तथा खानेओआनी बितरक निकाय तथा सरोकारवालालाइ सचेत रहन अनुरोध गरेको छ । मन्त्रालयले खुला रुपमा दिशापिसाब नगर्न र साबुनपानीले हात धुनसमेत सुझाएको छ ।