featured photo: Darpanpost

१९ असोज । प्रतिनिधि सभा र प्रदेश सभा निर्वाचनको मिति नजिकिदो छ । यहि मंसिर ४ गते एकै चरणमा हुन गइरहेको प्रतिनिधि सभा र प्रदेश सभा निर्वाचनको तयारिमा निर्वाचन आयोग लागिरहेको छ । आयोगले मतपत्र छपाइ, निर्वाचन अधिकृतहरुलाइ अभिमुखीकरण लगायत थुप्रै काम गरेको छ र गर्दै छ ।

निर्वाचन स्वच्छ, निष्पक्ष, भयरहित, मर्यादित, भयरहित र मितब्ययी रुपमा सम्पन्न हुनु पर्दछ । निर्वाचन नियमामुताबिक सम्पन्न गर्न सबै भन्दा प्रमुख र गहन भुमिका निर्वाचनमा खटिने कर्मचारीहरुले खेल्ने गर्छन । तसर्थ निर्वाचनमा संलग्न रहने कर्मचारीका लागि निर्वाचन आयोगले केही आचारसंहिता लागू गरेको छ । उक्त आचारसंहितामा कर्मचारीले गर्न हुने र नहुने कुरा छुट्टाइएको छ।

निर्वाचन आयोगका अनुसार निर्वाचनमा संलग्न रहने कर्मचारीले निम्न आचारसंहिता पालना गर्नु पर्दछ ।

– कुनै राजनीतिक दल उम्मेदवारको पक्ष वन विपक्षमा कुनै कार्य गर्न, गराउन वा प्रचारप्रसार तथा सम्मिलित हुनुहुदैन,
– कुनै राजनितिक दल तथा उम्मेदवारलाई आफ्नो र कार्यालयको सवारी साधन प्रयोग गर्न दिनु हुदैन,
– निर्वाचनलाई प्रतिकुल असर पार्ने विषयमा सामाजिक संजालमा लेख्न वा प्रतिक्रिया दिनुहुदैन,
– निर्वाचन प्रयोजनका लागि सम्प्रेषण गर्नुपर्ने सुचना बाहेक अन्य कुनै पनि जानकारी राजनितीक दल वा उम्मेदवारलाई सम्प्रेषण गर्नु हुदैन,
– निर्वाचनसम्बन्धि कार्य गर्दा निष्पक्ष रहनुपर्दछ ।