featured photo: Darpanpost

१९ असोज । आज देशभर हिजो रातिदेखी नै बर्षा भइरहेको छ म दशै पनि हिलो दशै बनेको छ । टाढा टाढा पुग्ने यात्रुहरुलाइ आज मौसम प्रतिकुल हुदा समस्या देखिएको छ । आज देशभर सामान्यदेखि पूर्ण बदली रहनेछ। गण्डकी प्रदेश, लुम्बिनी प्रदेश र कर्णाली प्रदेशका धेरै स्थानहरुमा तथा प्रदेश १ र बागमती प्रदेशका थोरै स्थानहरुमा तथा सुदूरपश्चिम प्रदेशका केहि स्थानहरुमा मेघ गर्जन र चट्याङसहित हल्कादेखि मध्यम वर्षाको सम्भावना रहेको जल तथा मौसम महाशाखाले जनाएको छ । गण्डकी प्रदेश र लुम्बिनी प्रदेशका केही स्थान र वाग्मती प्रदेशका एक–दुई स्थानमा भारी बर्षाको संभावना रहेको छ ।

आज राति देशको वाग्मती प्रदेश, गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशका भू–भागमा सामान्यदेखि पूर्ण बदली रही बाँकी भू–भागमा सामान्य बदली रहनेछ । गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशका धेरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ ।

राती प्रदेशका बाँकी भू–भागका केहि स्थानहरुमा भारी वर्षाको सम्भावना रहेको छ भने प्रदेश र सुदूरपश्चिम प्रदेश र लुम्बिनी प्रदेशका केही स्थानमा भारी बर्षा हुने मौसम पुर्वानुमान महाशाखाले जनाएको छ ।