featured photo: Darpanpost

मनजीत चौधरी,  तिलोत्तमा । संगम सहारा युवा क्लब तिलोत्तमा नगरपालिका वडा नं. १० सगरहवाद्वारा विजयादशमीको उपलक्ष्यमा आयोजित गाउँले भलिबल प्रतियोगिताको आइतबार फाइनल खेल सम्पन्न भएको छ ।

भलिबल प्रतियोगिता गत बिहीबारदेखि सुरु भएको थियो । फाईनल खेलमा प्रथम पुरस्कारका लागि लक्ष्मीपुर रामग्राम नवलपरासी र बरेवा नवलपरासीबीच निकै प्रतिस्पर्धात्मक खेल चलेको थियो । फाईनलमा लक्ष्मीपुर रामग्राम नवलपरासीले प्रथम पुरस्कार जित्न सफल भएको छ भने बरेवा नवलपरासी द्वितिय र प्रसौनी नवलपरासीले तृतीय स्थान हासिल गरेका छन् । क्लबका अध्यक्ष कनई थारुले उक्त भलिबल प्रतियोगितामा जम्मा ३५ टिम सहभागी रहेको जनाउँदै प्रथम स्थान हासिल गर्नेलाई २० हजार, द्वितीयलाई १० हजार र तृतीयलाई ०५ हजार नगत पुरस्कार प्रदान गरेको बताउनुभयो ।

फाईनल समारोह कार्यक्रम जसपा केन्द्रीय सदस्य मातृका प्रसाद यादवको प्रमुख आतिथ्यता, क्लबका उपाध्यक्ष चंदन चौधरीको स्वागत र क्लबका अध्यक्ष कनई थारुको अध्यक्षतामा सम्पन्न भएको थियो ।