featured photo: Darpanpost

१६ असोज । पुर्ब प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले नेपालीहरुको मौलिक विशेषता भनेको विविधतामा एकता भएको बताउनुभएको छ ।आइतबार दशैं, तिहार, छठ, नेपाल सम्वत्, ल्होसार लगायतका चाडपर्वको शुभकामना सन्देश दिदै उहाले यस्तो बताउनुभएको हो ।

उहाले आउदै गरेका चाडवाडका अवसरमा शुभकामना दिदै, “स्वदेश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरुमा सुख, शान्ति, समृद्धि, सुस्वास्थ्य एवं दीर्घायुको हार्दिक शुभकामना व्यक्त गर्दछु” भन्नु भएको छ ।

उहाले देशको भाषा, संस्कृति र सभ्यताहरुको संरक्षण गर्दै तिनको समृद्धिमा लाग्नु हामी सबैको दायित्व भएको बताउनु भएको छ । सांस्कृतिक पर्वहरुले नेपाली समाजमा आपसी सहिष्णुता र भावनात्मक एकता पैदा गर्ने विश्वास लिएको प्रचण्डले बताउनुभयो ।

उहाले आगामी मंसिर ४ गते हुनगइरहेको यस निर्वाचनमा प्रतिगमन विरोधी शक्तिलाई मत दिई संविधान, गणतन्त्र, संघीयताको रक्षा र सुदृढीकरणका लागि विजय गराउन आम जनसमुदायमा हार्दिक अपील समेत गर्नु भएको छ ।

“असत्य माथिको सत्यको विजयका रुपमा मनाइने नेपाली सांस्कृतिक पर्वहरुले सबैमा उत्साह, उमंग र राष्ट्रियताको जगेर्ना गर्ने उत्प्रेरणा पैदा गरोस् भन्दै पुनः एकपटक उत्तरोत्तर प्रगतिको हार्दिक शुभकामना व्यक्त गर्दछु ” प्रचण्डले जारी गर्नुभएको शुभकामना सन्देशमा उल्लेख छ ।