featured photo: Darpanpost

१५ असोज, नवलपरासी । कम गुणस्तरका खाद्य पदार्थ र पेय पदार्थका कारण नेपालीहरुको स्वास्थ्यमा असर परीरहेको छ भन्ने कुरा थाहा पाउँनु वा जान्नु कुनै नौलो कुरा होईन् । केही म्याद नाघेका र केही गुणस्तरहीन खाद्यपदार्थ र पेयपदार्थले मानवीय स्वास्थ्यमा असर पार्नुका साथै त्यस्ता कम्पनीप्रति सर्वसाधारणको विश्वास पनि हराउँदै गएका छन् । कहिले चाउचाउमा मुसा भेटिने, कहिले फेन्टाको बत्तलमा किरा भेटिने । सुन्दा पनि बजारमा पाईने केही नखाई जंगलमा गएर कन्दमूल खाम खाम बनाउने समाचारहरु सञ्चार माध्यमहरुमा आईराखेका हुन्छन् ।

आज एउटा यस्तै घटना पश्चिम नवलपरासीको सुनवल नगरपालिका वडा नं. ३ स्थितमा घटेको छ । सुनवल ३ को दाजुभाई रेष्टुरेण्टमा दुईवटा स्लाईसमा किरा फेला पारेका छन् । यसरी गुणस्तरहिन र किरा परेको पेय पदार्थ देखेपछि कस्लाई पो वाकवाकी नलाग्ला र? लागिहाल्छ । स्लाईसमा किरा परेको देखेपश्चात होटलका प्रोपराईटर कमल आचार्यले हाम्रो टिमलाई जानकारी दिनुभयो । उहाँले आफूले ग्राहक र मानव स्वास्थ्यमा खेलवाड हुँने कार्य कहिले पनि नगर्ने बताउनुभयो । उहाँले ग्राहक भगवान हुन यसरी गुणस्तरहिन पेय पदार्थबाट कुनै पनि ग्राहकलाई समस्या नहोस् भनेर खबर गर्नुभएको बताउनुभयो ।

२०२२ जुलाई २९ तारिखमा प्याकिङ भएर बजारमा आएको उक्त स्लाइसमा किरा देखिनुले उक्त पेय पदार्थको गुणस्तरमा नै प्रश्नचिन्ह लगाएको छ । यसरी सर्वसाधारणको स्वास्थ्यमाथि खेलवाड हुनु कतैपनि उक्तिसम्मत कुरा होईन । अब प्रोपराईटर कमल आचार्यले जस्तै अरु व्यवसायी तथा सम्पूर्ण नेपाली जनताले सत्यतथ्य बोल्न सक्नुपर्छ । सामान खरिदबिक्री गर्दा गुणस्तर र उत्पादन मिति तथा प्रयोगयोग्य समयको ख्याल गरी खरिद गर्ने गर्दा भविष्यमा हुने गम्भिर स्वास्थ्य समस्याहरुबाट बच्न सकिन्छ ।