featured photo: Darpanpost

१३ असोज । सुनवलमा रेबिज रोकथाम तथा नियन्त्रणका लागि निशुल्क खोप सेवा कार्यक्रम सम्पन्न भएको छ । बुधबार सुनवल नगरपालिका पशु सेवा शाखाको आयोजना र नेपाल पशु स्वास्थय प्राबिधिक संघ (NELTA), नेपाल पाराभेटनरी एण्ड लाइभस्टक एसोसिएसन (NEVLA) को संयुक्त सहयोगमा सुनवल ३ स्थित सोमनाथ हाटबजारमा कार्यक्रम सम्पन्न भएको हो । कार्यक्रममा “एक स्वास्थय अबलम्बन रेविजबाट शुन्य निधन” नाराका साथ रेबिजबिरुद्द निशुल्क खोप सेवा प्रदान गरिएको थियो ।

स्थानीयहरुले आफ्ना पशुलाई रेबिजबिरुद्दको खोप लगाएर लाभान्वित भएका छन । कार्यक्रममा बोल्दै सुनवल वडा ३ का अध्यक्ष पविन गुरुङ्गले मानव स्वास्थय सङै पशु स्वास्थ्य पनि महत्वपूर्ण रहेको बताउनुभयो । घरपालुवा जनावर र मानिस एक अर्को सङ अन्तरसम्बन्धित हुने भएकाले दुबैको स्वास्थयको विषय महत्त्वपूर्ण रहेको उहाले बताउनुभयो । गुरुङले वडा कार्यालय आगामी दिनमा पनि यस्ता कार्यक्रम संचालन गर्ने प्रतिबद्धता व्यक्त गर्नुभयो ।

उक्त कार्यक्रम सुनवल वडा ३ का अध्यक्ष पविन गुरुङ्गको प्रमुख आथिथ्यता र विमल ढकालको अध्यक्षतामा सम्पन्न भएको थियो ।