featured photo: Darpanpost

विवश विष्ट, गुल्मी । १० असोज । गुल्मी जिल्लाको एक विद्यालयमा नि:शुल्क स्कुल ब्याग वितरण गरिएको छ । जिल्लाको मदाने गाउँपालिका १ अग्लुङ्गमा अवस्थित श्री ओख्लेदह आधारभुत विद्यालयमा स्कुल ब्याग नि: शुल्क रुपमा वितरण गरिएको हो । विद्यालयका २१७ जना विद्यार्थीले नि: शुल्क विद्यालय शिक्षा पाएका छन् । यो सँगै विद्यार्थी र अभिभावक खुसि भएका छन ।

नेपाल हेल्प नामक संस्थाको सहयोगमा प्रदान सोमबार विद्यालयमा विद्यार्थीहरुलाई ब्याग वितरण गरिएको हो । नेपाल हेल्प नामक संस्थाका प्रतिनिधि तथा मधाने सामुदायिक स्वास्थ्य केन्द्रका इन्चार्ज यमलाल भुषाल, विद्यालयका व्यवस्थापन समितिका अध्यक्ष राजेन्द्र बिष्ट, वडा सदस्य भगत चन्द, लगायतका व्यक्तिहरुको उपस्थितिमा विद्यार्थीहरुलाई स्कुल ब्याग वितरण गरिएको थियो ।

श्री ओख्लेदह आधारभुत विद्यालयलाई नेपाल हेल्प्कले यस अघि पनि थुप्रै सामाग्री सँगै सहयोग प्रदान गरिसकेको छ । विद्यालय रंगरोगन देखि लिएर यसै संस्थाले प्रदान गरेको कपि पेन्सिल लगायतका स्टेसनरी सामाग्री सहयोग गरेपश्चात यहाँका विद्यार्थीहरुले नि:शुल्क कपि, पेन्सिल लगायतका स्टेसनरी सामाग्री पाउदै आएका छन । विद्यालय व्यवस्थापन समितिका अध्यक्ष राजेन्द्र विष्टले सहयोगका लागि नेपाल हेल्प संस्थालाई धन्यवाद ज्ञापन गर्नुभएको छ । उहाले बिद्यालयलाउ मदानेको मात्र नभई जिल्ला कै उत्कृष्ट बनाउने गरि अघि बढेको बताउनुभयो ।