featured photo: Darpanpost

मनजीत चौधरी. तिलोत्तमा । समाजमा दिनानुदिन बढ्दो क्रममा रहेको साइबर अपराधको समस्यालाई मध्यनजर गर्दै नेपाल मगर महिला संघ तिलोत्तमा नगर समितिले शनिबार संघको २५औ स्थापना दिवस९रजत महोत्सव० को अवसर पारी एकदिने साइबर अपराध र कानुन विषयक अन्तर्क्रिया एवं प्रशिक्षण सम्पन्न गरेको छ । संघले ति।न।पा।(०३, योगीकुटी स्थित सगुन रिसोर्टमा उक्त कार्यक्रम सम्पन्न गरेको हो ।

कार्यक्रमको समुद्घाटन नेपाल मगर संघका केन्द्रीय उपाध्यक्ष एवं कार्यक्रमका प्रमुख अतिथि गीता सारु मगरद्वारा पानसमा दीप प्रज्वलन गरी केक काटेर गरिएको थियो । कार्यक्रममा बोल्दै सारुले नेपाल मगर संघको दाङमा सम्पन्न १२औ राष्ट्रिय महाधिवेशनले राज्य संचालनका मतियारहरुले मगर समुदायको सभ्यता र पहिचानलाई जानीजानी ओझेलमा पारेको कुरा औल्याएको जानकारी गराउँदै मगर सभ्यता, पहिचान र अधिकार संवैधानिक रुपमै सुनिश्चित गर्नका लागि मगर अगुवाहरुले सडक र सदनबाट आवाज उठाउनुपर्ने जिकिर गरे । उनले आगामी मंसिर ४ मा हुन गइरहेको प्रदेश एवं प्रतिनिधिसभाको निर्वाचनमा देश बेचुवा, जनताको टाउकोमा अत्याधिक ऋण थोपर्ने दलाल नेतृत्वलाई जनताले पाखा लगाउनुपर्ने बताए ।

उनले थपे, ूनिर्वाचन आयोगले समानुपातिक तर्फ बिभिन्न कलस्टर छुट्याए पनि प्रत्यक्षतर्फ त्यस्तो कुनै प्रावधान नरहेको कारण आयोगले महिलाहरुलाई विभेदमा पारेको छ ।ू यतिमात्र नभई उनले गठबन्धन सरकारले सम्पन्न आसन्न स्थानीय निर्वाचनबाटै महिलाहरुको अधिकारलाई कुण्ठित गर्दै आएको आरोप लगाए ।

त्यस्तै कार्यक्रममा बोल्दै नेपाल मगर महिला संघ लुम्बिनी प्रदेश सदस्य केशरी तरामु मगरले संघले आफ्नो स्थापना दिवस पहिला असोज ३ गते मनाउँदै आएको तर सोही दिन देशका नश्लीय शासकहरुले मगर लगायतका उत्पीडित समुदायको अधिकार र पहिचानका मुद्दालाई बेवास्ता गर्दै एकपक्षीय ढंगबाट संविधान लागू गरेको हुँदा उक्त दिनलाई कालो दिनको रुपमा लिँदै आएको बताए । त्यसैगरी नेपाल मगर संघ जिल्ला कार्यसमिति रुपन्देहीका अध्यक्ष अन बहादुर सोती मगरले महिलाहरुले राज्यले संवैधानिक रुपमा प्रावधान गरेको अधिकार पाएको छ कि छैन भनी महिला मगर संघले राज्यसंग ताकेता गर्नुपर्ने जिकिर गरे ।

कार्यक्रमको विषयमा नेपाल मगर महिला संघ तिलोत्तमा नगर समिति एवं कार्यक्रमका अध्यक्ष राधिका श्रीस पुनले प्रकाश पारेका थिए भने ईलाका प्रहरी कार्यालय बुटवलका प्रहरी नायव निरीक्षक बेगम खनालले साइबर अपराध र कानुन विषयमा प्रशिक्षण दिएका थिए । कार्यक्रममा नेपाल मगर संघका लुम्बिनी प्रदेश सदस्य मनोज श्रीस, तिलोत्तमा नगर अध्यक्ष लिलमाया राना, नेपाल आदिवासी जनजाति महासंघ रुपन्देहीका सचिव प्रेम कनौजे लगायतको उपस्थिति रहेको थियो । त्यस्तै बहुजातीय साँस्कृतिक समूहबाट स्वागत गीत सहित बिभिन्न स्थानीय कलाकारहरुले नृत्य प्रस्तुत गरेका थिए ।
कार्यक्रम संघका अध्यक्ष राधिका श्रीस पुनको अध्यक्षता, उपाध्यक्ष गायत्री थापा मगरको स्वागत र सचिव मनमाया थापा मगरको संचालनमा सम्पन्न भएको थियो ।