featured photo: Darpanpost

नन्दु यादव ,पश्चिम नवलपरासी-पश्चिम नवलपरासी जिल्लाको प्रतापपुर गाउपालिका वडा नं २ सेमरीमा रहेको त्रिवेणी बचत तथा ऋण सहकारी संस्थाको २७ औ साधारणसभा सरावल ७ बरगदवामा रहेको बर्दघाटे कालिका मन्दिरमा सम्पन्न भएको छ ।ग्रामीण क्षेत्रमा रहेका जनताहरुको लागि आर्थिक बिकासमा सहयोग पुर्याउदै आएको यस संस्थाले बिभिन्न किसिमको जनचेतना मुलक कार्यक्रम समेत सञ्चालन गर्दैै आएको छ । आ. ब.२०७८/७९को २ करोड ५२ लाख ४४ हजार ४सय ८१ रुपैया बराबरको आय ब्यय प्रस्तुत भएको थियो ।
यस संस्थाले कृषि ,पशुपालन ,बैदेशिक रोजगार ,शैक्षिक लगायतको क्षेत्रमा लगानी गरि यस क्षेत्रका जनताहरुको आर्थिक बिकासमा सहयोग पुर्याउदै आएको संस्थाका ब्यवस्थापक लक्ष्मुण गौतमले बताउनुभयो ।
कार्यक्रम संस्थाको अध्यक्ष ईश्वरी प्रसाद घिमिरेको अध्यक्षतामा सम्पन्न भएको हो । ।कार्यक्रममा सरस्वति शर्मा ,राम प्रसाद जोशी ,कमल प्रसाद शर्मा ,सन्तोष उपाध्या लगायतले सस्थाको प्रगतिको लागि शुभकामना मन्तब्य ब्यक्त गर्नु भएको थियो । साथै यस संस्थाले साधारणसभाको अवसरमा बर्दघाटे कालिका मन्दिरको सरसफाइ समेत गरेको संस्थाका शेयर सदस्य राम प्रसाद जोशीले जानकारी दिनुभयो ।संस्थाको सबै शेयर सदस्यहरुले कुचो ,बाल्टी लिई मन्दिरको परिसर भित्रको सरसफाई गरेको जोशीले बताउनुभयो ।यसले आम नागरिकमा पनि सरसफाइ सम्बन्धि जनचेतना जगाउने उदेश्यले सरसफाइ गरिएको उहाले बताउनुभयो।