About Contact
२२ आषाढ २०७९, बुधबार
Close
बिज्ञापन
कांग्रेसको १४ औँ महाधिवेशन अन्तर्गत नयाँ नेतृत्व चयनको प्रक्रिया आज सुरु हुँदै

Darpanpost शनिबार, मंसिर २५, २०७८ मा प्रकाशित

featured photo: Darpanpost

काठमाण्डौ – नेपाली कांग्रेसको १४ औँ महाधिवेशन अन्तर्गत नयाँ नेतृत्व चयनको प्रक्रिया आज सुरु हुँदैछ ।
सभापति सहित १ सय ६७ सदस्यीय केन्द्रीय कार्य समिति मध्ये १३ पदाधिकारी र १ सय २१ केन्द्रीय सदस्यको लागि चुनाव गर्ने तयारी छ ।
आज बिहान १० बजेदेखि बेलुकी ५ बजेसम्म काठमाण्डौको राष्ट्रिय सभागृहमा उम्मेदवारी मनोनयन दर्ता हुने निर्वाचन समितिले जनाएको छ ।
मनोनयनमाथिको दाबी विरोध र नाम फिर्ताका लागि भोलि दिउँसो १ बजेसम्मको समय तोकिएको छ ।
पर्सि सोमवार बिहान ८ बजेदेखि मतदान सुरु हुनेछ ।
नयाँ नेतृत्वको लागि चार हजार ७ सय ४३ जना प्रतिनिधिले मतदान गर्नेछन् ।
यसैबीच नयाँ नेतृत्वको लागि वर्तमान सभापति शेरबहादुर देउवा र नेता कृष्णप्रसाद सिटौला समूह बीच सहकार्यको प्रारम्भिक सहमति बनेको छ ।
सिटौला समूहलाई महामन्त्री र सह महामन्त्री दिन देउवा तयार हुनुभएको छ ।
सिटौलाले महामन्त्रीमा युवा नेता प्रदीप पौडेल र सह महामन्त्रीमा उमाकान्त चौधरीलाई अघि सार्नुभएको छ ।
महामन्त्रीका लागि संस्थापन समूहमै आकाङ्क्षीहरु धेरै छन् ।
डाक्टर प्रकाशशरण महत, बालकृष्ण खाँड, एनपी सावद, ज्ञानेन्द्रबहादुर कार्की, विश्वप्रकाश शर्मा लगायत नेताहरुले महामन्त्रीमा दाबी गरेका छन् । आठ सह महामन्त्रीका लागि दुई दर्जन नेताहरूले दाबी गरिरहेका छन्।
संस्थान इतर समूहले अझै सभापतिको साझा उम्मेदवार चयन गर्न सकेको छैन ।
हिजो बेलुकी अबेरसम्म भएको छलफलमा पनि सहमति हुन नसकेको नेताहरुले बताएका छन् ।
सभापतिमा दाबी गरिरहेका प्रकाशमान सिंह र डाक्टर शेखर कोइरालाको अडान कायमै छ ।
वरिष्ठ नेता रामचन्द्र पौडेलको नाममा सहमति जुटाउने प्रयास भए पनि सिंह र कोइरालाले अडान नछाड्दा टुङ्गो लाग्न नसकेको हो ।
यो समूहले पदाधिकारीका अन्य उम्मेदवार बारे अझै छलफल गरेको छैन । आज मनोनयन दर्ता गर्नु अघिसम्म पनि सहमतिको प्रयास हुने नेताहरुको भनाइ छ ।
कांग्रेस विधान अनुसार एक सभापति, दुई उपसभापति, दुई महामन्त्री र आठ सह महामन्त्री निर्वाचित हुनेछन् ।
कोषाध्यक्ष भने केन्द्रीय सदस्यहरूले आफू मध्येबाट निर्वाचित
गर्ने व्यवस्था छ ।

(उज्यालो बाट)

तपाईको प्रतिक्रिया के छ ?
<

सम्बन्धित

ताजा अपडेट
बेवासिरे अवस्थामा रहेको सामान नवलपरासी सशस्त्र प्रहरीद्वारा बरामद
सञ्चारकर्मीहरू कमजोरीबाट हुनबाट सचेत हुनु पर्छ : पोख्रेल

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवाहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६
    प्रधान सम्पादक –टंक सुनार
    प्रवन्ध निर्देशक–विमल भट्टराई

Contact Us for Assistance !

Contacts

Tel: + 91-7398598063

Email: [email protected]

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : +9779857046569/+9779867000269
Email :[email protected]

Web :- www.darpanpost.com