featured photo: Darpanpost

सुनवल । पश्चिम नवलपरासी जिल्लाको सुनवल नगरपालिकाले नागरिक सहायता कक्ष संचालनमा ल्याएको छ । कार्तिक १ गतेबाट नगरपालिका कार्यालय र एक हप्तापछी सबै वडा कार्यालयहरूमा सहायता कक्ष संचालन गरिने नगरपालिकाका प्रमुख प्रशासकिय अधिकृत हरिराम नागिलाले बताए ।

उक्त कक्ष संचालन भएपछि सेवाग्राहीले सुनवल नगरपालिकाका कुनै पनि कार्यालयमा कार्यालयको कामका लागि आवश्यक कागजातको फोटोकपी तथा निवेदन लेखन जस्ता काममा पैसा खर्च गर्नुपर्ने छैन । नगरपालिकाका अनुसार सहायता कक्षले फोटोकपि तथा निवेदन लेखनका सबै काम नि : शुल्क गर्नेछ ।