About Contact
२२ माघ २०७९, आइतबार
Close
बिज्ञापन
युवाहरुद्वारा सञ्चालित जोगाड सर्भिस, बेरोजगार युवाहरुका लागि अमृत सरह

Darpanpost बुधबार, भाद्र ३०, २०७८ मा प्रकाशित

featured photo: Darpanpost

 

सुबिन विश्वकर्मा ,सुनसरी-नेपालको कुनै एक युवालाई यहाँको प्रमुख समस्या के हो भनेर सोध्ने हो भने झट्ट उसको मस्तिष्कमा आउने शब्द हुन्छ, बेरोजगारी । विषेशगरी देशका युवा पिडी यस समस्याबाट यसरी पिल्सिएका छन् कि उनीहरू सोच्छन्, अबको गन्तव्य विदेश नै हो । सामान्यतया कुनै एक स्थानमा रोजगारीको अबसर प्राप्त भयो भने सोर्स, पावर र कुनै सम्झौता नगरी त्यहाँ काम पाइदैंन । अर्को तर्फ व्यवसायीहरूले पनि योग्य, ईमानदार र कर्मशील कामदार नपाई सोर्स(फोर्सको माध्यम बाट आएका कच्चा कामदार पाउने अबस्था ब्याप्त छ ।

देशमा व्याप्त बेरोजगारी र व्यवसायीले भनेजस्तो कामदार नपाउनु आजको नेपालको प्रमुख समस्या भइरहदा नेपालमा भनेजस्तो रोजगार पाइँदैनु भन्ने मानसिकताले विदेश पलायन हुन खोज्ने शैक्षिक बेरोजगारको सङ्ख्या दिन दुई गुणा रात चौगुणा बढेको अवस्था छ भने सँगै व्यवसायीले आफूले भनेजस्तो कामदार नपाउँदा आफूले गरेको व्यवसायमा उचित प्रतिफल पाउन नसकेको व्यबसायीहरु गुनासो गर्दछन् । विश्व प्रविधिमय बनिरहँदा नेपाल पनि त्यसवाट अछुतो भने रहेको छैन । तर प्राविधिक ज्ञान हुने युवायुवती विदेश पलायन हुदा नेपालमा प्रविधिमैत्री ब्यबसाय सञ्चालन गर्न एकदमै कठिन देखिन्छ ।
बेरोजगारी नै वर्तमान नेपालको प्रमुख समस्या हो भने यसको समाधान चाहिँ के हो तरु यसको जवाफ जोगाडु कम्पनीसँग छ ।

जोगाड कम्पनी स्थानीय युवाहरू मिलेर सुरु गरिएको व्यवसायिक सेवा हो । यसको स्थापना २०७८ मा विराटनगर वडा नं। ७ मोरङमा भएको हो भने प्रबन्ध निर्देशक सुरेश मिश्र हुन् । देशको यो किसिमको बेरोजगारी बाट कुनैबेला म आफै पनि पीडित थिए । मिश्र भन्छन्, त्यसैले युवावर्गको समस्या केही मात्रामा समाधान गर्ने कोसिसले यस् कम्पनीको जन्म भएको हो । यसको प्रमुख उदेश्य अनलाइन प्रविधिको माध्यबाट विभिन्न सेवा गर्नु हो । यसले आफ्नो

www.jogaad.com नामको आफ्नै वेब ठेगाना मार्फत विभिन्न प्रकारका अनलाइन सेवाहरू प्रदान गरिरहेको छ । यस्ता सेवाहरूमा अनलाइन मोटरसाइकल मर्मत सेवा, अनलाइन माध्यमबाट मोटरसाइकल पार्टस् बिक्री वितरण, विभिन्न सामानहरू अनलाइन डेलिभरी लगायतका सेवाहरू प्रदान गर्दै आएको छ । बद्लिदो बिज्ञान तथा प्रबिधिको युगमा धेरै मानिसहरू अनलाइन सर्भिसमा भरपर्ने अबस्थालाई मध्यनजर गर्दै सेवा सुरु गरिएको कम्पनीको भनाइ छ ।

त्यस्तै, यस जोगाड सर्भिसले ‘जनशक्ति जोगाड‘ को अवधारणा पनि अघि सारेको छ । यस अवधारणाको सफल प्रयोग बाट उद्योगी व्यवसायीले विश्वसनीय जनशक्ति नपाउने तथा जनशक्तिले रोजगार नपाउने हालको समस्या केही भए पनि न्यून गर्न सहयोग पुग्ने छ भन्ने यस कम्पनीको विश्वास छ । यस कम्पनीले उपलब्ध श्रम शक्तिलाई निजी क्षेत्रबाट सिप र प्रविधि युक्त तालिमको प्रबन्ध बाट बेरोजगारी समस्या समाधान गर्न प्रयास गर्छ । यसबाट व्यवसायीहरूले गुणस्तरीय र दक्ष कर्मचारीहरु पाउनेछन भन्ने कुराको विश्वास जोगाड सेवाले लिएको छ ।

समग्रमा रोजगारदाता र दक्ष जनशक्ति बीच सेतु बन्ने उद्देश्यले जोगाड सेवा विराटनगरले ‘जनशक्ति जोगाड’को अवाधारणालाई अघि सारेको हो । यस सेवा अन्तर्गत बेरोजगार जनशक्तिलाई रोजगार हुनका लागि उचित परामर्श, सल्लाह र विभिन्न प्राविधिक प्रशिक्षणमा सहभागी हुन प्रोत्साहन गरेर दक्ष जनशक्तिको निर्माणमा जोड दिने गरेको छ । साथै उपलब्ध दक्ष जनशक्तिलाई विभिन्न उद्योग, व्यवसाय, आदि क्षेत्रमा उपलब्ध गराएर रोजगार हुन मद्दत गर्दछ । यस जोगाड सर्भिसले रोजगारदाता उद्योगी, व्यवसायी तथा जनशक्ति बीचमा रहेको दुरीलाई जोड्ने माध्यम बनेर दुवै पक्षको आवश्यकता लाई पूरा गर्ने काम गर्छ । हाल पुर्वका सिमित स्थानहरु मात्र लक्षित गरि सेवा सुरु गरेको यस् कम्पनीले भविष्यमा देशभर काम गर्ने योजना राखेको छ ।

तपाईको प्रतिक्रिया के छ ?
<

सम्बन्धित

ताजा अपडेट
तिलक बस्नेतकाे गुल्मी रेसुङ्गा पन्चे बाजा गित सार्बजनिक (भिडियो सहित)
एक महिना लामो स्वस्थानी व्रत आज समापान हुदै

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष्य हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६ 

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : 9861886471, 9806977770
Email :[email protected]

Web :- www.darpanpost.com