featured photo: Darpanpost

एजेन्सी । श्रीलंकामा राष्ट्रपतिको निर्वाचन जित्नासाथ नवनिर्वाचित राष्ट्रपति गोतावय राजापाक्षले नेपाल सम्झेका छन् । उनले गौतम बुद्धको जन्मभूमि नेपाल आफुहरुको मन मस्तिष्कमामा रहेको बताएका हुन् । उनले भने, गौतम बुद्धको जन्मभूमी नेपाल श्रीलंकालीहरूको मनमुटुमा विशेष स्थान रहेको छ । उनले सामाजिक सञ्जाल ट्वीटर मार्फत यस्तो अभिब्यक्ति दिएका हुन् ।

https://youtu.be/D7PokQN564s

राजपाक्ष राष्ट्रपति बनेपछि प्रधानमन्त्री केपी शर्मा ओलीले उनलाई सामाजिक सञ्जाल ट्वीटर मार्फत शुभकामना दिएका थिए । शुभकामनाको प्रतिउत्तर दिँदै राजापक्षले यस्तो अभिब्यक्ति पोष्ट गरेका हुन् । ‘सार्क क्षेत्रभित्र शान्तिपूर्ण सहअस्तित्वको वृद्धि र आर्थिक समृद्धिका लागि मैले प्रयत्न गर्नेछु र छिटै भेट्ने अवसरको प्रतिक्षामा हुनेछु,’ उनले भनेका छन्।

उनलाई बधाई तथा शुभकामना दिँदै प्रधानमन्त्री ओलीले आफू उनीसँग घनिष्ठरुपमा सहकार्य गर्दै नेपाल र श्रीलंकाबीचको बहुआयामिक र ऐतिहासिक न्यानो सम्बन्धलाई थप सुदृढ पार्न चाहेको बताएका थिए। गतवर्ष सेप्टेम्बरमा तत्कालिन श्रीलंकाली राष्ट्रपति मैथ्रिपाला श्रीसेनाले सपत्नी लुम्बिनीको भ्रमण गरेका थिए।