About Contact
२१ जेठ २०७७, बुधबार
Close
बिज्ञापन
सामाजिक सञ्जालको स्टाटसमा कमेण्ट गरेको विषयलाई लिएर बर्दघाटमा कुटपिट

Darpanpost शनिबार, आषाढ १४, २०७६ मा प्रकाशित

featured photo: Darpanpost

बर्दघाट । सामाजिक सञ्जालमा हालेको स्टाटस कमेण्ट लेखेको विषयलाई लिएर बर्दघाटमा एक जनामाथि कुटपिट भएको छ ।

राष्ट्रिय जनमोर्चाका बर्दघाट अध्यक्ष शोभा कान्त लामिछानेका अनुसार राष्ट्रिय जनमोर्चाका बर्दघाट सहसचिव लक्ष्मणजंग हमालमाथि कुटपिट भएको हो । उनको अहिले बर्दघाट चौपत्तामा रहेको सहिद स्मृति सामुदायिक अस्पतालमा उपचार भईरहेको छ ।

कुटाइ खाने लक्ष्मणजंग हमाल रक्तिम सांस्कृतिक अभियानका जिल्ला सचिव र अखिल नेपाल युवक संघको जिल्ला कोषाध्यक्ष समेत हुन् ।

राष्ट्रिय जनमोर्चाका बर्दघाट अध्यक्ष शोभा कान्त लामिछाने हमालमाथि नेपाली काँग्रेसका कार्यकर्ताहरुले कुटपिट गरेको आरोप लगाएका छन् ।

बर्दघाट नगरपालिका वडा नं। १४ धर्मबस्तीमा रहेको उदय युवा क्लबका उपाध्यक्ष समेत रहेका हमालले आफूमाथि क्लबका अध्यक्ष जीवन कामु र प्रेम कामु लगायतको टोलीले घरमै आएर कुटपिट गरेको बताए ।

कुटाइ खाने हमालले दाउन्ने न्यूजलाई बताए अनुसार – बजारको ठेक्का लगायतका विषयमा क्लबका पदाधिकारी बीच नै विवाद भएको थियो । अध्यक्ष कामु बजारको ठेक्का क्लबले लगाउन पाउने पक्षमा लिए भने उपाध्यक्ष हमाल भने जसले ठेक्का लगाए पनि नगरपालिकामा गएर क्बलले बजारबाट उठ्ने ठेक्का रकम माग गर्नु पर्ने पक्षमा थिए । यही विषयमा सामाजिक सञ्जालमा स्टाटस राख्ने र कमेण्ट टिप्पणी गर्ने विषयमा विवाद हुँदा कुटपिट भएको हो ।

शुक्रबार साँझ घरमै २०र२५ जनाको समुहले आफूमाथि कुटपिट गरेको उनले बताए । उनले घटना राजनीतिक विषय नभए पनि आफूमाथि राजनीतिक प्रतिसोध साँधिएको आरोप लगाए ।

उनले भने मलाई पहिला फोन गरेर फेसबुकको कमेण्टलाई लिएर तथानाम गाली गरे मैले गल्ती भएर कानुन अनुसार कारवाही भोग्न तयार छु भने तर मलाई घरमै आएर एक्कासी कुटपिट गरियो ।

उनले आफू कोठा भित्र गएर ज्यान जोगाएको र पछि वडाअध्यक्षलाई फोन गरेर वडा अध्यक्षले प्रहरी प्रशासनलाई खबर गरेपछि उपचार गर्न आउन सकेको बताए ।

अस्पताल स्रोतका अनुसार उनको छातीमा चोट लागेको छ । दाउन्ने न्युजबाट

तपाईको प्रतिक्रिया के छ ?

सम्बन्धित

ताजा अपडेट
आजको राशिफल : वि.सं.२०७७ साल जेठ २१ गते । बुधबार । ईश्वी सन् २०२० जुन ०३ तारिख
मदाने गाउँपालिकाले कोभिड विशेष कृषि कार्यक्रम संचालन गर्दै

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवाहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६
    प्रधान सम्पादक –टंक सुनार
    प्रवन्ध निर्देशक–विमल भट्टराई

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : 9857046569
Email :- [email protected]
:- [email protected]
Web :- www.darpanpost.com