featured photo: Darpanpost

काठमाडौं । पाकिस्तानका चर्चित क्रिकेटर शाहिद अफरीदीले हालै सार्वजनिक गरेको आफ्नो आत्मकथामा भारतका पूर्व क्रिकेटरबारे आलोचना गरेका छन् । उनले आफ्नो आत्मकथामा भारतीय टिमका पूर्वक्रिकेटर गौतम गम्भिरमाथि नकारात्मक सोच भएको व्यक्ति भनेका छन् ।

अफरीदीले लेखेको यो कुरा सुनिसकेपछि गम्भिरले सामाजिक सञ्जाल टुइटरमार्फत प्रतिक्रिया दिएका छन् । उनले टुइट गर्दै भनेका छन्, ‘भारत अहिले पनि पाकिस्तानीको उपचारका लागि अस्पताल पठाइरहेको छ । म तिमी (अफरिदी) लाई कुनै मनोचिकित्सकको सम्पर्कमा लिनलाई तयार छु ।’ सन् २००७ को एसिया कपका क्रममा गम्भिर र अफरीदी मैदानमै झगडामा उत्रिएका थिए । उनीहरुलाई छुट्याउन अम्पायरलाई पनि हम्मेहम्मे परेको थियो ।
यो पनि पढ्नुहोस्, आइपिएल अब अन्तिम चरणमा पुगेको छ । सम्ह चरणका खेलहरु आज सकिदै छन् । चेन्नई, दिल्ली र मुम्बई प्लेअफमा पुगिसकेका छन् भने सनराइजर्स हैदरावाद र कोलकोता नाइटराइडर्स मध्ये एक टिम अब प्लेअफमा पुग्ने छन् । बैंगलोर, राजस्थान र पंजाव भने प्लेअफमा नपुगी बाहिरिएका छन् ।

यसैबीच शनिवार सम्पन्न खेलमा राजस्थान रोयल्सबाट खेलेका रिवान परागले आइपिएलको इतिहासमा नयाँ रेकर्ड बनाएका छन् ।

परागले आइपिएलमा सबै भन्दा कम उमेरमा अर्धशतक बनाएका हुन् । परागले १७ बर्ष १७५ दिनमा आइपिएलमा अर्धशतक बनाएका हुन् । यसअघि राजस्थानबाटै खेलिरहेका संजु सामसनले १८ बर्ष १६९ दिनमा अर्धशतक बनाएका थिए ।

यसअघि पृथ्वी शाले पनि १८ बर्ष १६९ दिनमै आइपिएलमा अर्धशतक बनाएका थिए । त्यसअघि रिषव पन्तले १८ बर्ष २३७ दिनमा आइपिएलमा कम उमेरमा अर्धशतक बनाउने रेकर्ड बनाएका थिए । आइपिएलमा कम उमेरमा अर्धशतक बनाउने यी चार खेलाडी नै शनिबारको खेलमा एक अर्काविरुद्ध खेलेका थिए ।

युवा खेलाडी परागले यस बर्ष आइपिएलमा उत्कृष्ट खेल देखाएर सबैलाई प्रभावित गरेका छन् । राजस्थान आइपिएलबाट बाहिरिएको भएपनि उनले खेलका क्रममा देखाएको आत्मविश्वासको सबैले तारिफ गरेका छन् ।

परागले यस सिजनमा ७ खेलका ५ इनिंगमा खेल्दै एक अर्धशतकसहित १६० रन बनाएका छन् । पहिलो पल्ट आइपिएल खेलेका परागले ३२ को औसत र १२७ को स्ट्राइक रेटले रन बनाएका छन् ।

पराग सन् २०१८ भारतले जितेको यु(१९ विश्वकप क्रिकेट टिमका सदस्य हुन् । भारतको अछाम राज्यका पराग दाहिने हाते ब्याट्सम्यान हुन् भने लेग ब्रेक बलिङ समेत गर्ने गर्दछन । उनले अछामको टी२० टिमबाट २०१७ मा डेभ्यु गरेका थिए ।