featured photo: Darpanpost

डोटी । डोटीमा गर्मीया सुरु भएसंगै डोटी जोरायलका बासिन्दा धामधम बस्ती सार्न थालेका छन् । पानीका मुहान भटाभट सुक्न थालेपछि जोरायल गाउँपालिका–३ थलीगाउँका बासिदाहरु गाउ छोड्न बाध्य भएका हुन्।

स्थानीयवासी कृष्णा थापाका अनुसार करीब ४५ परिवार पानीको समस्या झेल्न नसकेर बस्ती नै सरेर ठुलीगाडमा झरेको बताउनुभयो । उनले भने, “पानीको अभाव झेल्न नसकेर थलीगाउँको बस्ती वर्षेनी गर्मीयाममा ठुलीगाडमा आउन थालेको चार दशक हुन लागेको छ, पानीकै लागि बस्ती सारिँदैछ, पानीको पहल हुनसकेको छैन ।” झिसमिसे बिहानैबाट स्थानीय मुहानबाट चुहिने पानी सङ्कलन गर्दै आएपनि पछिल्लो समय पानीको समया देखिएको हो ।

पानीको अभाव झेल्न नसकेर थलीगाउँको बस्ती वर्षेनी गर्मीयाममा ठुलीगाडमा आउन थालेको चार दशक हुन लागेको ठुलीगाडस्थित विपीनगरका स्थानीय रोज कलेलले बताए ।

अहिले ३५ परिवारका २५० जनसङ्ख्या अझै थलीमा छन् । विसं २०५८ मा हेल्भेटास संस्थाले वर्षातको पानी सङ्कलन गर्ने घैँटा बनाइदिएको छ । तर घैँटा चुहिने भएकाले वर्षात् सकिएसँगै पानीको हाहाकार शुरु हुन्छ भने अर्कोतिर सङ्कलित पानी पिउँदा अधिकांश गाउँलेमा कमलपित्त रोग देखिने गरेको स्थानीयवासी बताउँछन् ।