About Contact
२० मंसिर २०७९, मंगलबार
Close
बिज्ञापन
नेपाली काङ्ग्रेसलाई नेविसंघको चेतावनी, तदर्थ समिति बनाउ

Darpanpost बुधबार, फाल्गुण ०१, २०७५ मा प्रकाशित

featured photo: Darpanpost

काठमाडौं । नेपाल विद्यार्थी संघका नेताहरूले संघको तदर्थ समिति बनाउँदा ३२ वर्षे उमेर हद कायम गरी बनाउन पार्टी नेतृत्वलाई दबाब दिएका छन् ।

मंगलबार पार्टीको केन्द्रीय समिति बैठकका लागि नेताहरू पार्टी कार्यालय प्रवेश गर्दै गर्दा विद्यार्थी नेताहरूले ३२ वर्षे उमेर हद कायम गरी तदर्थ समिति बनाउन पार्टी पदाधिकारीसहितका नेतालाई दबाब दिएका हुन् । उनीहरूले विधानमा भएको व्यवस्थालाई टेकेर पार्टीले नेतृत्वबारे निर्णय लिइनुपर्ने भन्दै ३२ वर्षे उमेर हदबन्दीअनुसार तदर्थ समिति बनाउनुपर्ने माग गरेका हुन् ।

कांग्रेसभित्र १२औं महाधिवेशनबाट उमेर हद लगाउने कि तदर्थ समिति बनाउँदै लाने भन्नेमा नेताहरू विभाजित छन् । केन्द्रीय समिति बैठकमा बोल्ने नेताहरूले आफू अनुकूल हुनेगरी नेविसंघबारे धारणा राख्दै आएपछि विद्यार्थी नेताहरूसमेत विभाजित भएका छन् । विद्यार्थी संगठनसहित पार्टीको विधानलाई अन्तिम रूप दिन भन्दै कांग्रेस केन्द्रीय समिति बैठक ९ माघयता दिनहुँजसो बस्दै आएको छ । तर, कुनै ठोस निर्णय भने गर्न सकेको छैन ।
पार्टीले नेविसंघको विधानमा ३२ वर्ष कायम गरेको र विधान उल्लंघन हुन सक्ने भन्दै नेताहरू बैठकमा प्रवेश गर्दैगर्दा सचेत गराएको निवर्तमान केन्द्रीय सदस्य सुशील भट्टले जानकारी दिए ।
विद्यार्थी नेताहरूले पार्टी केन्द्रीय कार्यालयको मूल गेटमै बाटो छेकेर नेताहरूलाई विधान नभुल्न भन्दै विधानअनुसार निर्णय गर्न सुझाएको उनले बताए । उनीहरूले नेविसंघमा ३२ वर्षमाथिका उमेर समूहबाट तदर्थ समिति गठन भए समानान्तर कमिटी बनाउने चेतावनीसमेत दिएका छन् ।

विधान उल्लंघन गरिए समानान्तर समितिको चेतावनी

सभापति शेरबहादुर देउवा उपसभापति विमलेन्द्र निधि, विजयकुमार गच्छदार, महामन्त्रीद्वय डा। शशांक कोइराला र पूर्णबहादुर खड्का, प्रवक्ता विश्वप्रकाश शर्मा, केन्द्रीय सदस्य प्रदीप पौडेललगायत नेतालाई कार्यालयको मूल ढोकामै रोकेर विधानअनुसार तदर्थ समिति गठन गर्न माग गरेको विद्यार्थी नेता निरन्जन थापाले जानकारी दिए ।
नेताहरूलाई सचेत पार्दै थापासहित संघका निवर्तमान केन्द्रीय सदस्य भट्ट, उमेश थापा मगर, नवराज त्रिपाठी, पूर्वकेन्द्रीय सदस्य गणेश सापकोटालगायत विद्यार्थी नेताहरू पार्टी केन्द्रीय कार्यालय पुगेका थिए ।

यसैबीच नेविसंघका पूर्वपदाधिकारीहरूले विद्यार्थीको विश्वास र अभिमतबाट स्थापित शक्तिलाई अवमूल्यन र एकतर्फी निर्णय गरिए सशक्त प्रतिवाद र समानान्तर गतिविधि सञ्चालन गर्ने चेतावनी दिएका छन् ।
नेविसंघका पूर्वसहमहामन्त्री बलदेव तिमल्सिनाले भने, ‘विद्यार्थीको विश्वास र अभिमतबाट स्थापित शक्तिलाई अवमूल्यन गरेर एकतर्फी निर्णय गरिए सशक्त प्रतिवाद र समानान्तर गतिविधि सञ्चालन हुन सक्छ ।’
उनले गुटगत रूपमा नेविसंघका नेताहरूलाई विभाजित नगर्न समेत पार्टी नेतृत्वलाई आग्रह गरेका छन् । एक पक्षीय ढंगले नेतृत्व चयनमा मनोमानी गरिए नेतृत्वले त्यसको क्षति बेहोर्न तयार रहनुपर्ने उनले बताए ।

समयमा महाधिवेशन गराउन नसकेपछि नेविसंघ अध्यक्ष नैनसिंह महरले सोमबार पदबाट राजीनामा दिएका थिए । महरको राजीनामापछि नेविसंघको विषयलाई लिएर नेताहरू छलफलमा जुट्दै आएका छन् । तर, उमेर हद लगाएर तदर्थ समिति बनाउने वा नलगाई बनाउने भन्नेमा भने नेताहरू निष्कर्षमा पुगिसकेका छैनन् ।
मंगलबारको कांग्रेस केन्द्रीय समितिले भने नेविसंघको सभापति पदमा रही गरेको कार्यका लागि नैनसिंह महर तथा समयावधि समाप्त भइसकेको केन्द्रीय समितिलाई धन्यवाद दिएको छ ।
बैठकले अघिल्लो मितिमा नेविसंघ सभापति, पदाधिकारी या सदस्यहरूबाट भएका विभिन्न मनोनयनका सबै निर्णय बदर गर्ने निर्णय पनि गरेको छ । राजधानीबाट

तपाईको प्रतिक्रिया के छ ?
<

सम्बन्धित

ताजा अपडेट
आज मंसिर २० गते मंगलवार , गणेश भगवानको दर्शन गर्दै हेर्नुहोस् आजको राशिफल
पत्रकार एलनमाथि हातपात, कान र गालामा चोट

हाम्रो बारेमा

दर्पण पोष्ट समाजको दर्पण बनाउने .उद्देश्यले शिखा मिडिया प्रा.लिले संञ्चालनमा ल्याएको नेपाली भाषाको डिजिटल पत्रिका हो । समाजमा घट्ने विभिन्न घटना परीघटनाहरुलाई निपक्ष्य हिसाबले पाठक समक्ष पुर्याउन हामी प्रतिवद्ध छौँ । नेपालको विभिन्न स्थानमा भएका हाम्रा संवाददाताहरुको माध्यमबाट समाचारलाई यथासिघ्र सहज र सजिलो माध्यमबाट प्रवहा गर्नु हाम्रो प्रमुख उद्देश्य हो । तपाइको साथ सहयोग र प्रतिक्रियाको सधैँ अपेक्षा राख्दछौँ । हामीले प्रकाशन गरेका समाचार, लेख रचना प्रति तपाइको कुनै टिप्पणी छ भने कृपया जुन सुकै माध्यमबाट हामीलाई सम्प्रेशण गरीदिनुहुन विनम्र अनुरोध गर्दछौँ ।

दर्ता विवरण

    सूचना विभाग दर्ता नंः १२३२/०७५–७६

अध्यक्ष/ सम्पादक    –  विमल भट्टराई

    प्रवन्ध निर्देशक– मिन राना

    सहसम्पादक – गोकण राज पाण्डे 
 

If you have any questions, Please Contact Us

 

Address

Official Contact
Shikha Media Pvt.Ltd.
Sunwal-1, Nawalparasi, Province No. 5, Nepal
Contact No : +9779857046569/+9779867000269
Email :[email protected]

Web :- www.darpanpost.com