featured photo: Darpanpost

टंक सुनार । प्रदेश नम्बर ५ का सांसद डा.कृष्ण न्यौपानेले देवदहलाई पर्यटनको केन्द्रका रुपमा अगाडी वढाउन लागिएको बताउनु भएको छ । सोमबार रुपन्देहीको देवदहमा यशोधरा बाल उद्यानको शिलान्यास कार्यक्रममा बोल्दै उक्त कुरा बताउनु भएको हो । उहाले देवदहमा थाइ भिक्षुहरुको सहयोगमा विहार निर्माण गर्ने योजना रहेको बताउनु भयो । डा.न्यौपानेले यस क्षेत्रको विकास अल्पकालको आवश्यकता हेरी नभई दिर्घकालिन सोचका साथ गर्नु पर्ने बताउनु भयो ।
सोही कार्यक्रममा बोल्दै देवदह नगरप्रमुख हिरा बहादुर खत्रीले योजना निर्माण गरेर मात्रै लगानी गर्नु पर्ने बताउनु भएको छ । उहाले देवदह नगरपालिकाले योजनाबद्ध विकास गर्न अगाडी वढीरहेको बताउनु भएको छ । राष्ट्रपति चुरे संरक्षण कार्यक्रमको १५ लाख जिल्ला बन कार्यालयको ५ लाख र देवदह नगरपालिकाको ३ लाख गरी कुल २३ लाख लगानीमा देवदह–७ श्रृजना सामुदायिक बन क्षेत्रमा पार्क निर्माण गर्न लागिएको हो । पार्कको प्रदेश सांस डा.न्यौपानेले शिलान्यास गर्नु भएको हो ।